दि.27 : सोशल मीडियावर अनेक व्हिडिओ व्हायरल होतात. अनेक व्हिडिओ मजेशीर असतात. तर काही त्यातून बोध घेण्यासारखे असतात. एकीचं बळ काय करू शकते हे अनेकांना माहीत आहे. सिंहाला जंगलाचा राजा म्हटले जाते. सिंह हे समूहाने शिकार करतात. एकदा सावज हेरले की सिंहाचा समूह त्या सावजाची शिकार सहजतेने करतो. पण या अशा सिंहांना साध्या म्हशीसुद्धा चांगल्याच भारी पडल्या आहेत.
असाच एक व्हिडिओ सोशल मीडियावर व्हायरल झाला आहे. म्हशींच्या कळपासमोर सिंहांच्या कळपांना हार मानावी लागली (Buffalo attacking on lion). इतर वेळी म्हैस सिंहाला पाहून घाबरते आणि पळ काढते. मात्र म्हशीच्या कळपानं सिंहांच्या कळपाला पळवून लावल्याचा हा दुर्मिळ व्हिडीओ सोशल मीडियावर (Social media) तुफान व्हायरल (Viral video) झाला आहे.
Consider yourself rich if you have friends who are always there for you.
A lesson from the wild. Credits in the video. pic.twitter.com/TYJxBrTdKr— Sudha Ramen 🇮🇳 (@SudhaRamenIFS) September 27, 2021
आपल्या कुटुंबाच्या सुरक्षेसाठी माणसं ज्याप्रमाणे धडपडत असतात, त्याप्रमाणे प्राणीदेखील आपल्या जीवाची बाजी लावतात. जंगलात राहताना प्राण्यांना मोठा संघर्ष करावा लागतो. अनेक प्राण्यांना हिंस्त्र प्राण्यांपासून आपलं आणि आपल्या कुटुंबाचंही रक्षण करण्यासाठी मोठा संघर्ष करावा लागतो. असाच हा व्हिडीओ आहे. ज्यात एक म्हशीवर सिंहाच्या कळपाने हल्ला केला, त्यानंतर म्हशींचा कळपही त्या म्हशीला सिंहापासून वाचवण्यासाठी धावत आला.
व्हिडीओत पाहू शकता एका म्हशीला सिंहांच्या कळपाने घेरलं आहे. सिंहांनी म्हशीवर हल्ला केला आहे. कुणी तिचा पाय धरला आहे तर कुणी तिच्या पाठीवर बसून जबड्याने तिचे लचके तोडण्याचा प्रयत्न करत आहे. आता पुढे एंट्री होते ती दुसऱ्या म्हशीची. आपल्या साथीदारावर कुणीतरी हल्ला केल्याचं समजताच दुसरी म्हैस दूरहून वेगाने धावत येते. समोर कोणता प्राणी आहे हेसुद्धा ती पाहत नाही. धावत येते तेच पहिल्या म्हशीच्या अंगावर चढलेल्या तीन-चार सिंहांना ती शिंगावर धरून उडवून देते. त्यानंतर भीतीने इतर सिंह स्वतःच बाजूला होतात. नंतर मागून म्हशींचा कळप धावत येतो. त्यातील तिसरी म्हैसही सिंहांचा पाठलाग करते. यानंतर सर्व सिंह म्हशींना पाहून तिथून धूम ठोकतात. एकीचं बळ काय असतं हे या म्हशींनी दाखवून दिलं आहे
