मुंबई,दि.९: Thane Mumbra Railway Accident | लोकलमधून पडून सहा जणांचा मृत्यू झाल्याची घटना घडली आहे. मुंब्रा स्थानकाजवळ ही दुर्घटना घडली आहे. फास्ट लोकल एकमेकांच्या शेजारून जात असतानाच हा भीषण अपघात झाला. एक लोकल सीएसएमटीच्या दिशेने जात होती. तर मुंबईहून डाऊन मार्गावर लखनौच्या दिशेने पुष्पक एक्सप्रेस जात होती.
सामानाची गुंतागुंत झाल्यामुळे अपघात झाल्याचा अंदाज व्यक्त केला जात आहे. मुंब्रा स्थानकाजवळ फास्ट मार्गावर कसाऱ्याहून एक लोकल सीएसएमटीच्या दिशेने जात होती. तर मुंबईहून डाऊन मार्गावर लखनौच्या दिशेने पुष्पक एक्सप्रेस जात होती. तेव्हा मुंब्रा स्थानकाजळ वळणाच्या वेळी काही प्रवासी खाली पडले. या अपघातात आतापर्यंत सहा जणांचा मृत्यू झाला आहे. यात आठ जण जखमी झाले असून त्यापैकी एका प्रवाशाच्या हाताला आणि एका प्रवाशाला पायाची गंभीर दुखापत झाली आहे.
जखमींपैकी तिघांची ओळख पटलेली असून सर्व जखमींवर कळवा रुग्णालयात उपचार सुरू आहेत. जखमींमध्ये एका महिलेचाही समावेश आहे. सामानाची गुंतागुंत झाल्यामुळे अपघात झाल्याची प्राथमिक माहिती या जखमी महिला प्रवाशाने दिली आहे. कसाऱ्याहून आलेल्या लोकलच्या गार्डने याबाबत ठाणे स्थानकात माहिती दिली होती. कसाऱ्याहून सीएसएमटीकडे निघालेल्या लोकलमध्ये नेहमीपेक्षा जास्त गर्दी नव्हती. जलद मार्गावर हा अपघात झाला अशी माहिती रेल्वे प्रशासनाने दिली आहे.
