मुंबई,दि.१२ः साऊथ विरुद्ध बॉलिवूड हा वाद आता बराच काळ सुरू आहे. दोन्ही सिनेसृष्टीतील स्टार्स कोण जास्त श्रेष्ठ आहे याचा वाद घालत आहेत. त्यांच्यात शाब्दिक बाचाबाची सुरू आहे. अलीकडेच, दाक्षिणात्य स्टार महेश बाबू (Mahesh Babu) म्हणाला होता की, बॉलिवूडला तो परवडू शकत नाही आणि त्यामुळेच त्याला हिंदी सिनेमांमध्ये आपला वेळ वाया घालवायचा नाही. महेश बाबूच्या या वक्तव्यानंतर खळबळ उडाली होती. आता या वादात बॉलिवूड अभिनेता सुनील शेट्टीनेही (Suniel Shetty) उडी घेतली आहे. तो म्हणाला, ‘बाप हा बाप असतो. बॉलिवूड नेहमीच बॉलीवूड राहील. जर तुम्ही भारताला ओळखाल तर तुम्ही बॉलिवूडच्या नायकांनाही ओळखाल.’
सुनील शेट्टीने आज तकला दिलेल्या मुलाखतीत सांगितले की, तोही दक्षिणेतलाच आहे. पण त्याचं कामाचं ठिकाण मुंबई आहे, त्यामुळे त्याला मुंबईकर म्हणतात. साऊथ विरुद्ध बॉलिवूड हा वाद सोशल मीडियावरच तयार झाल्याचं सुनीलला वाटते. सर्व भारतीय आहेत. उदाहरणार्थ, जर आपण डिजिटल प्लॅटफॉर्मकडे पाहिले तर ती भाषा नाही तर विषय महत्त्वाचे आहेत. खरं म्हणजे काय बघायचं आणि काय नाही हे प्रेक्षक ठरवत असतात.
‘बॉलिवूड नेहमीच बॉलिवूड राहील’
सुनील शेट्टी म्हणाला, त्रासदायक गोष्ट म्हणजे आपण प्रेक्षकांना विसरलो आहोत. आपण विषयावर काम केलं पाहिजे. मात्र, सिनेमात लोक त्याला नेहमी सांगतात की सिनेमा असो किंवा ओटीटी, बाप नेहमीच बाप असतो आणि कुटुंबातील सदस्य कुटुंबातील सदस्यच राहतो. बॉलिवूड नेहमीच बॉलिवूड राहील. जर तुम्ही भारताला ओळखाल तर बॉलिवूडच्या नायकांना ओळखाल!
महेश बाबूंच्या या विधानावरुन बराच गदारोळ झाला. तो म्हणाला होता, ‘बॉलिवूडला मी परवडणार नाही. त्यामुळे त्या इंडस्ट्रीत काम करण्यात मला माझा वेळ वाया घालवायचा नाही.
नंतर दिलं स्पष्टीकरण
मात्र, त्याच्या विधानावर झालेला गदारोळ पाहता महेश बाबू यांने स्पष्टीकरणही दिलं. तो म्हणाला की तो (दक्षिण) जिथे सिनेमे करत आहे तिथे तो आनंदी आहे. तो म्हणाला की, ‘मी सर्व भाषांचा आदर करतो.’
