Smartphone Charging Tips: अनेकजण Smartphone वापरतात. काहीजण iPhone तर काहीजण Android Smartphone वापरतात. मोबाईल फोनची बॅटरी वापरामुळे लवकर संपते. अशावेळी फोन चार्जिंग करावा लागतो. अनेकजण फोन चार्जिंगला लावताना कोणत्याही चार्जरचा उपयोग करतात. तुम्ही iPhone वापरत असाल किंवा Android स्मार्टफोन, चार्जिंगशी संबंधित चुका तुमचे खूप नुकसान करू शकतात. तुम्ही तुमचा स्मार्टफोन कोणत्याही चार्जरने चार्ज केल्यास तुमचा फोन खराब होऊ शकतो.
तुम्ही देखील अशा लोकांपैकी एक आहात जे आपला स्मार्टफोन कोणत्याही चार्जरने चार्ज करतात? असे होत असल्यास काही गोष्टींची काळजी घ्यावी अन्यथा मोठे नुकसान होऊ शकते. कारण सर्व चार्जर सारखे नसतात किंवा प्रत्येक स्मार्टफोनची चार्जिंग (Smartphone Charging) क्षमता सारखी नसते.
अशा परिस्थितीत, फक्त तुमच्या फोनमध्ये बसेल असा चार्जर वापरणे तुम्हाला महागात पडू शकते. कोणताही चार्जर वापरल्याने तुमच्या फोनची बॅटरी खराब होऊ शकते. याचा तुमच्या फोनवर काय परिणाम होऊ शकतो ते माहिती करून घ्या.
हेही वाचा Video: गुरुग्राममध्ये हिजाब परिधान केलेल्या विदेशी महिलेने टॅक्सी चालकावर चाकूने केला हल्ला
Charger चे काम काय आहे?
सोप्या भाषेत समजले तर मोबाईल फोन चार्जरचे एकच कार्य असते, ते उपकरण चार्ज करणे, पण ही प्रक्रिया म्हणावी तितकी सोपी नाही. वास्तविक, चार्जरचे काम तुमच्या फोन किंवा टॅबलेटमध्ये एसी पॉवर डीसीमध्ये रूपांतरित करणे आहे. म्हणूनच त्यांना चार्जर नव्हे तर अडॅप्टर म्हणतात.
वापरकर्त्यांनी त्यांचा स्मार्टफोन चार्ज करण्यासाठी नेहमी ओरिजनल चार्जरचा वापर करावा. प्रत्येक स्मार्टफोनची चार्जिंग क्षमता वेगळी असल्याने आणि गेल्या काही वर्षांत जलद चार्जिंगचे प्रमाण वाढले आहे.
अशा परिस्थितीत दुसऱ्या स्मार्टफोनच्या चार्जरने किंवा बनावट चार्जरने फोन चार्ज केल्याने त्याची बॅटरी आयुष्य कमी होऊ शकते. फोनचा चार्जर कधी खराब झाला तर आउटपुट व्होल्टेज आणि करंट लक्षात घेऊन नवीन चार्जर घ्या.
स्वस्त चार्जर पडेल महागात
यासह, तुम्ही अज्ञात उत्पादकांकडून स्वस्त चार्जर वापरणे देखील टाळले पाहिजे. कारण ते तुम्हाला कमी पैशात गुणवत्ता आणि संरक्षण देत नाहीत, जे ब्रँडेड चार्जरमध्ये मिळते. दुसरीकडे, जर तुमचा फोन जलद चार्जिंगला सपोर्ट करत नसेल, तर तुम्ही दुसरा चार्जर वापरताना काळजी घ्यावी. कारण असे केल्याने तुमचा फोन खराब होऊ शकतो.
Apple ने केली सूचना
ॲपलने यासंदर्भात अधिकृत माहिती शेअर केली आहे. तुम्ही आयफोनसह थर्ड पार्टी केबल किंवा बनावट केबल वापरत असल्यास, यामुळे तुमचा आयफोन योग्यरित्या चार्ज होणार नाही. ते तुमच्या iPhone सह पूर्णपणे Sync होऊ शकत नाही आणि यामुळे तुमचा iPhone देखील खराब होऊ शकतो. Apple iPhone वापरकर्त्यांना Apple USB Power Adapter (किंवा iPhone सह चांगले काम करणारे) वापरण्याची शिफारस करते.
