मुंबई,दि.28: शिवसेना नेते खासदार संजय राऊत (Sanjay Raut) आणि राष्ट्रवादीच्या प्रमुख नेत्या खासदार सुप्रिया सुळे (Supriya Sule) यांनी केलेला डान्सचा व्हिडिओ व्हायरल होत आहे. राजकीय तज्ञ म्हणजेच देशातील राजकीय पंडितांचा असे मत आहे की राजकारणात कोणी कायमचा शत्रु किंवा मित्र नसतो. राजकीय पक्ष कोणतेही असोत, आजच्या युगात ते त्यांच्या राजकीय फायद्या-तोट्यानुसार युती करतात किंवा तोडतात. राजकीय विचारसरणीचा विचार न करता दोन वेगवेगळ्या पक्षांचे नेते आणि त्यांची कुटुंबे एका समारंभात समोर येतात, तेव्हा वेगळेच दृश्य पाहायला मिळते.
येथे एका लग्न समारंभात महाराष्ट्रातील महाविकास आघाडीच्या (MVA) घटक पक्षाच्या प्रमुख आणि पक्षप्रमुख शरद पवार यांच्या कन्या सुप्रिया सुळे (Supriya Sule) आणि शिवसेना खासदार संजय राऊत (Sanjay Raut) एकत्र नाचताना दिसून आले. या घटनेशी संबंधित एक व्हिडिओ व्हायरल होत आहे. ज्यामध्ये दोन्ही कुटुंबातील इतर सदस्यही एकत्र नाचताना दिसत आहेत.
शिवसेनेचे नेते खासदार संजय राऊत (Sanjay Raut) यांच्या घरी लगीनघाई आहे. राऊत यांची कन्या पूर्वशी राऊत (Purvashi Raut) सोमवारी (29 नोव्हेंबर) विवाहबंधनात अडकणार आहे. ठाण्याचे जिल्हाधिकारी राजेश नार्वेकर (Rajesh Narvekar) यांचे चिरंजीव मल्हार (Malhar) यांच्याशी पूर्वशीचा विवाह होणार आहे. पूर्वशी-मल्हार यांच्या विवाहाच्या निमित्ताने मुंबईच्या रेनेन्सो या सप्ततारांकीत हॉटेलमध्ये नुकतंच संगीत कार्यक्रमाचं आयोजन करण्यात आलं होतं. या कार्यक्रमात संजय राऊत यांनी आनंदाच्या भरात ठेका धरला. विशेष म्हणजे या कार्यक्रमाला राष्ट्रवादी काँग्रेसच्या खासदार सुप्रिया सुळे (Supriya Sule) कुटुंबासह हजर होत्या. या कार्यक्रमादरम्यान सुप्रिया यांनी संजय राऊत यांच्यासोबत ठेका धरला. त्यांच्या डान्सचा व्हिडीओ आता सोशल मीडियावरही व्हायरल होतोय.
