सोलापूर,दि.22: Pushpa: The Rise (‘पुष्पा द राईज’) या चित्रपटाने सर्व रेकॉर्ड मोडले आहेत. बॉक्स ऑफिसवर Pushpa: The Riseने (‘पुष्पा द राईज’) कोट्यवधींची कमाई केली आहे. दाक्षिणात्य सुपरस्टार अल्लू अर्जुन (Allu Arjun) याचा ‘पुष्पा द राईज'(Pushpa: The Rise) हा सिनेमा नुकताच रिलीज झाला आहे. या सिनेमाने पहिल्या दिवशी जबरदस्त कमाई केली आहे.
जगभरातील बॉक्स ऑफिसवर रु. 140.7 कोटी (21 डिसेंबर पर्यंतची) गोळा केल्यानंतर आणि जागतिक बॉक्स ऑफिसच्या टॉप 3 यादीमध्ये स्वतःसाठी स्थान मिळवल्यानंतर, पुष्पा: द राइज (Pushpa: The Rise) आपली विजयी मालिका कायम ठेवत आहे आणि प्रेक्षकांना थिएटरकडे खेचत आहे.
मंगळवारी 21 डिसेंबर रोजी चित्रपटाच्या सक्सेस पार्टीदरम्यान अल्लू अर्जुनने (Allu Arjun) प्रेक्षकांना संबोधित केले आणि उत्स्फूर्त प्रतिसादाबद्दल त्यांचे आभार मानले.
पुष्पा: द राइज हा पॅन इंडियाचा सर्वाधिक मोठा प्रोजेक्ट असल्याचे सांगितले जात आहे. सिनेमा पाच विविध भाषांमध्ये प्रदर्शित करण्यात आला आहे. याची निर्मिती दोन भागात करण्यात आली आहे. सिनेमाची कथा आंध्र प्रदेशातील शेषचलम क्षेत्रातील लाल चंदन तस्करांच्या आयुष्यावर आधारित आहे.
अल्लू अर्जुनच्या (Allu Arjun) ‘पुष्पा द राइज’ (Pushpa The Rise) या चित्रपटाने धमाका केला आहे. सुकुमार दिग्दर्शित हा चित्रपट तामिळ, तेलुगु, तमिळ, मल्याळम आणि हिंदी भाषेत प्रदर्शित झाला आहे. या चित्रपटाला सर्व भाषांमध्ये चांगला प्रतिसाद मिळत आहे. बॉक्स ऑफिसवर चित्रपटाने धमाल केल्यावर अक्षय कुमारनेही (Akshay Kumar) अल्लूचे अभिनंदन केले आहे.
यासोबतच अक्षय म्हणाला की, तोही लवकरच हा चित्रपट पाहणार आहे. अक्षयने ट्विट केले की, ‘अल्लू अर्जुनच्या पुष्पा चित्रपटाला मिळालेल्या अप्रतिम प्रतिसादाबद्दल अभिनंदन. मनोरंजन विश्वासाठी आणखी एक विजय. मी लवकरच चित्रपट पाहण्याचा विचार करत आहे.’
अक्षयच्या ट्विटला उत्तर देताना अल्लू अर्जुनने लिहिले की, धन्यवाद अक्षय कुमार!! तुमच्या अभिनंदनाबद्दल अनेक धन्यवाद. लोक पुन्हा थिएटरमध्ये आले आहेत आणि भारतीय चित्रपट उद्योग पुन्हा चमकत आहे हे चांगले वाटते.
