पाथर्डी,दि.१७: पोलिसांनी कारवाई करत तीन कोंबडे (Cocks) जप्त केले होते. अवैध पद्धतीने पाथर्डी शहरात सुरू असलेल्या कोंबड्यांचा खेळावर पोलिसांनी कारवाई करत तीन कोंबड्यांना ताब्यात घेतले होते. घटनास्थळी पकडण्यात आलेल्या तिघांकडून १ लाख ६४ हजार १४० रुपयांचा मुद्देमाल जप्त करण्यात आला आहे. रविवारी (दि.१६) पाथर्डी पोलिसांनी छापा टाकून तिघांना अटक केली. उर्वरित १० ते ११ जण फरार आहेत.
पाथर्डी शहारा जवळील असणाऱ्या माळी बाभूळगाव हद्दीत आणि धामणगावच्या शिवा लगत डोंगराळ भागात ही कारवाई केली. करीम सय्यद सय्यद (वय २३, रा. अंगूरीबाग मोढारोड, औरंगाबाद), अनिस रफीक शेख (वय ३४ रा. लक्कडकोट, येवाला, ता.येवाला जि. नाशिक), ओंकार कैलास चव्हाण (वय २९, रा. गणेशपेठ पुणे, ता.जि.पुणे) अशी पकडण्यात आलेल्यांची नावे आहेत.
पाथर्डी पोलीस ठाण्याचे पोलीस निरीक्षक सुहास चव्हाण यांच्या मार्गदर्शनाखाली सहाय्यक पोलीस प्रवीण पाटील,पोलीस कॉन्स्टेबल तानाजी सानप, सागर मोहिते आदींनी ही कारवाई केली आहे. ११ ते १४ जणांवर गुन्हे दाखल करण्यात आले आहेत.
