सोलापूर,दि.8: PM National Apprenticeship Mela: औद्योगिक प्रशिक्षण संस्था, सोलापूर येथे दिनांक 12 जून रोजी सकाळी 09.00 वा आय. टी. आय. उत्तीर्ण उमेदवारांसाठी शिकाऊ उमेदवार भरती मेळावा (पीएम नॅशनल अप्रेंटिसशिप मेला PM National Apprenticeship Mela PMNAM) आयोजित केला असून, संबंधितांनी याचा लाभ घ्यावा, असे आवाहन संयोजकांच्या वतीने करण्यात आले आहे.
PM National Apprenticeship Mela
शिकाऊ उमेदवारी अधिनियम 1961 अंतर्गत या मेळाव्याचे आयोजन केलेले असून, सोलापूर जिल्ह्यातील सर्व आस्थापना व आयटीआय उत्तीर्ण व अंतिम वर्ष परीक्षा दिलेले सर्व प्रशिक्षणार्थी यांनी मेळाव्यास उपस्थित राहून या संधीचा लाभ घ्यावा. तसेच ज्या आस्थापनांमध्ये अद्याप शिकाऊ उमेदवारी योजना लागू केलेली नाही, ज्या आस्थापनांना शिकाऊ उमेदवार भरती करावयाची आहे, अशा सर्व आस्थापनांतील प्रतिनिधींनी अॅप्रेन्टीस ट्रेनिंग विभागास संपर्क साधावा, असे आवाहन प्राचार्य औद्योगिक प्रशिक्षण संस्था, विजापूर रोड, सोलापूर यांनी केले आहे.
