मुंबई,दि.29: राष्ट्रवादी शरद पवार गटाने पाचवी यादी जाहीर केली आहे. या यादीत सोलापूर जिल्ह्यातील तीन विधानसभा मतदारसंघातून उमेदवार जाहीर करण्यात आले आहेत. या यादीमधून शरद पवार गटाने पाच उमेदवारांची घोषणा केली आहे. या यादीमध्ये अनेक इच्छुकांच्या दावेदारीमुळे तिढा निर्माण झालेल्या माढ्याच्या जागेवर अभिजित पाटील यांना उमेदवारी जाहीर करण्यात आली आहे.
या यादीत माढा, मुलुंड, मोर्शी, मोहोळ आणि पंढरपूर या एकूण पाच मतदारसंघातील उमेदवारांची घोषणा करण्यात आली आहे. त्यामध्ये सर्वांचं लक्ष लागून राहिलेल्या माढ्यामध्ये शरद पवार गटाने अभिजित पाटील यांना उमेदवारी दिली आहे. तर मुलुंडमधून संगीता वाजे, मोर्शीमध्ये गिरीश कराळे आणि पंढपूरमधून अनिल सावंत यांना उमेदवारी जाहीर केली आहे.
उमेदवार यादी
माढा – अभिजित पाटील
मुलुंड – संगिता वाजे
मोर्शी – गिरीश कराळे
पंढरपूर – अनिल सावंत
मोहोळ – राजू खरे
