दि.4: Viral Video: आमदाराचा भन्नाट डान्स (MLA Dance Video) करतानाचा व्हिडिओ व्हायरल झाला आहे. बिहारचे जनता दल युनाटेडचे आमदार गोपाल मंडल हे रेल्वेमध्ये अंडर गारमेंट्सवरच प्रवास करताना दिसून आले होते. ज्याचा व्हिडिओ सोशल मीडियावर चांगलाच व्हायरल झाला होता. आता तेच आमदार व्हायरल व्हिडिओमध्ये, रणबीर कपूर आणि दीपिका पदुकोण यांच्या ‘ये जवानी है दिवानी’ या चित्रपटातील ‘दिल्ली वाली गर्लफ्रेंड’ गाण्यावर जबरदस्त ठुमके मारताना दिसत आहेत.
व्हायरल झालेला हा व्हिडिओ एका लग्न समारंभाचा असल्याचे बोलले जात आहे.सोशल मीडियावर व्हायरल होत असलेल्या या व्हिडिओमध्ये, भागलपूर जिल्ह्यातील गोपालपूर विधानसभा मतदारसंघातील JD(U) आमदार गोपाल मंडल कुर्ता आणि पायजम्यावर दिसत आहेत. त्याच्या डोक्यावर टोपी आणि गळ्यात मफलर आहे. ते एका गाण्यावर डान्स करताना दिसत आहेत. त्यांच्यासोबत समर्थकही मंचावर नाचताना दिसत आहेत. यापूर्वीही गोपाल मंडल यांचा डान्स करतानाचा एक व्हिडिओ व्हायरल झाला होता. तेव्हा ते एका बार डान्सरसोबत थिरकताना दिसत होते.
