दि.3 : रविवारी पंजाब किंग्सविरुद्धच्या (RCB vs PBKS) मॅचमध्ये मॅक्सवेलने 33 बॉलमध्ये 57 रनची खेळी केली, यामध्ये 3 फोर आणि 4 सिक्सचा समावेश होता. आरसीबीचा ऑल राऊंडर ग्लेन मॅक्सवेल आयपीएलच्या या मोसमात जबरदस्त फॉर्ममध्ये आहे. मॅक्सवेलच्या या खेळीमुळे आरसीबीने 20 ओव्हरमध्ये 7 विकेट गमावून 164 रन केले. मॅक्सवेलशिवाय पडिक्कलने 40 रनचं योगदान दिलं. मोहम्मद शमीने अखेरच्या ओव्हरमध्ये 3 विकेट घेतल्या, तर मोईसेस हेनरिक्सलाही 3 विकेट घेण्यात यश आलं.
ग्लेन मॅक्सवेलने या इनिंगमध्ये 97 मीटर लांब सिक्स मारला. इनिंगच्या 15 व्या ओव्हरमध्ये मॅक्सवेलने लागोपाठ दोन सिक्स मारले. रवी बिष्णोईच्या या ओव्हरमध्ये दुसऱ्या बॉलवर मॅक्सवेलने डीप मिड-विकेटच्या वरून शॉट मारला आणि बॉल थेट स्टेडियमबाहेर रस्त्यावरच गेला. यानंतर पुढच्या बॉलला त्याने लॉन्ग ऑनच्या दिशेने सिक्स टोलवला.
