मुंबई,दि.७: माजी क्रिकेटपटू महेंद्रसिंह धोनीचा व्हिडीओ व्हायरल झाला आहे. व्हिडीओवर वेगवेगळ्या प्रतिक्रिया येत आहेत. धोनीचे देशात कोट्यवधी चाहते आहेत. महेंद्रसिंह धोनीचा क्रिकेट पर्यंतचा प्रवास थक्क करणारा आहे. धोनीवर काढण्यात आलेला चित्रपटगीत लोकांना आवडला. धोनीला अनेकांचा रोल रोल मॉडेल आहे.
महेंद्रसिंह धोनीचा एक व्हिडिओ समोर आला असून सर्वांनाच धक्का बसला आहे. व्हायरल व्हिडीओत माही आपल्या तोंडातून धूर काढताना दिसून येत आहे. एका पार्टीत धोनीने हुक्का पिल्याची चर्चा सोशल मीडियातून होत आहे. काळ्या रंगाचा सूट आणि लांब घनदाट केस या लूकमध्ये माही स्टायलिश दिसून येत आहे. व्हिडिओत धोनीच्या आजूबाजूला काही सुट-बुटातील लोकं आहेत. तर, त्याच्या हातात हुक्काचा पाईपही दिसून येतो. या पाईपचा एक कश घेऊन, धोनी तोंडातून धूर बाहेर सोडताना दिसत आहे.
व्हिडीओ व्हायरल झाल्यानंतर अनेकांनी यावर प्रतिक्रिया दिल्या आहेत. धोनीचा हा व्हिडिओ पाहून अनेकांच्या भुवया उंचावल्या आहेत. तर, काही चाहत्यांनी धोनीवर जबरी टीकाही केली. काहींना, अजूनही हा व्हिडिओ माहीचा नसल्याचे वाटते. तर, काहींनी धोनीच्या समर्थनार्थही भूमिका मांडली आहे.
ऑस्ट्रेलिया क्रिकेट टीमचा माजी कर्णधार जॉर्ज बेलीने याबाबतचा खुलासा केला होता. धोनी यंग प्लेअर्ससोबत चांगला बॉन्ड प्रस्थापित करण्यासाठी कधी-कधी हुक्का पितो, असे त्यांनी म्हटले होते.
