दि.6: Jawed Habib Viral Video: प्रसिद्ध हेअरस्टायलिस्ट जावेद हबीब (Jawed Habib) याचा एक व्हिडिओ सोशल मीडियावर (Social Media) व्हायरल होत आहे. ज्यामध्ये तो एका महिलेचे केस कापताना दिसत आहे. हा व्हिडिओ व्हायरल (Video Viral) होण्याचे कारण म्हणजे जावेद हबीबचे (Jawed Habib) केस कापताना केलेले विचित्र वागणे. जावेद हबीबने थुंकून केस कापल्याचा आरोप महिलेने केला आहे.
व्हिडिओमध्ये लोकांना केस कसे सेट करायचे याच्या टिप्स देताना त्याने प्रथम बागपत येथील बडौत येथे राहणाऱ्या एका महिलेचे डोके पकडले आणि जोराने हलवले, नंतर धक्कादायक पद्धतीने धक्का दिला आणि नंतर तिच्या डोक्यावर थुंकून तिचे केस कापले. यानंतर सोशल मीडियावर जावेद हबीब यांच्यावर जोरदार टीका होत आहे. त्याचवेळी हा व्हिडिओ व्हायरल झाल्यानंतर महिलेची प्रतिक्रियाही समोर आली आहे. मात्र, जावेद हबीबची बाजू अद्याप समोर आलेली नाही.
जावेद हबीबचा हा व्हिडीओ मुजफ्फरनगरचा आहे. व्हिडिओमध्ये जावेद हबीब एका महिलेला केस कापण्यासाठी स्टेजवर बोलावतात. कार्यशाळेदरम्यान जावेद हबीब यांनी महिलेच्या केसांवर थुंकताना इस थूक में दम है असं हबीबने सांगितले. त्याने महिलेचा अपमान केला आणि सांगितले की तिचे केस खराब आहेत, कारण तिने शॅम्पू केला नाही. यानंतर, महिलेच्या केसांना विंचरताना तो म्हणतो की, केसांमध्ये पाण्याची कमतरता असल्यास, थुंकीने काम करा. यानंतर त्याने महिलेच्या केसांवर थुंकले. त्यावेळी संकोचामुळे महिलेला प्रतिक्रिया देता आली नाही.
जावेदने हे कृत्य 3 जानेवारी रोजी मुझफ्फरनगरमध्ये आयोजित केलेल्या एका सेमिनारमध्ये केले होते, परंतु त्याचा व्हिडिओ आता सोशल मीडियावर व्हायरल होत आहे. लोकांनी खचाखच भरलेल्या हॉलमध्ये सर्वांसमोर स्टेजवर हे कृत्य त्याने केले.
