Instant Personal Loan: अनेकांना अचानक पैशाची गरज लागते. अचानक पैशाची गरज भागवण्यासाठी लोक वैयक्तिक कर्ज (Personal Loan) घेतात. म्हणूनच तुम्हाला ते फक्त एका क्लिकवर मिळणे महत्त्वाचे आहे. हे लक्षात घेऊन डीएमआय फायनान्स (DMI Finance) Google Pay च्या माध्यमातून लोकांना कर्ज देऊ करत आहे.
आता अचानक तुम्हाला एक लाख रुपयांचे कर्ज (Loan) हवे असेल तर काळजी करण्याची गरज नाही. जर तुम्ही Google Pay वापरत असाल आणि तुमचा क्रेडिट इतिहास चांगला असेल, तर तुम्हाला एका मिनिटात एक लाख रुपयांपर्यंतचे वैयक्तिक कर्ज (Personal Loan) मिळेल. DMI Finance Limited (DMI) ने Google Pay च्या प्लॅटफॉर्मवरून डिजिटल वैयक्तिक कर्ज ऑफर करण्यासाठी ही सुविधा सुरू केली आहे.
Google Pay वापरकर्त्यांना मिळणार दुहेरी फायदा
तुम्ही गुगल पे वापरल्यास तुम्हाला दुहेरी फायदा मिळेल. तुम्हाला Google Pay चा ग्राहक अनुभव मिळेल, जो तुम्हाला खूप परिचित आहे. दुसरे, या प्लॅटफॉर्मद्वारे, DMI Finance तुम्हाला झटपट वैयक्तिक कर्ज देईल.
या वापरकर्त्यांना मिळेल कर्ज
Google Pay वापरणाऱ्या सर्व वापरकर्त्यांना कर्ज मिळणार नाही. तुमची क्रेडिट हिस्ट्री चांगली असेल, तर तुम्हाला या सुविधेचा लाभ मिळू शकेल. या सुविधेअंतर्गत, डीएमआय फायनान्सने ठरवलेल्या पात्रता निकषांनुसार पूर्व-पात्र पात्र वापरकर्ते ठरवले जातील आणि त्यांना Google Pay द्वारे कर्ज ऑफर केले जाईल. जर तुम्ही त्याचे पूर्व-मंजूर ग्राहक असाल तर तुमच्या झटपट कर्ज अर्जावर रिअल टाइममध्ये प्रक्रिया केली जाईल आणि तुम्हाला बँक खात्यात त्वरित कर्जाचे पैसे मिळतील.
36 महिन्यांसाठी उपलब्ध असेल कर्ज
या सुविधेचा वापर करून तुम्ही कमाल 1 लाख रुपयांपर्यंत कर्ज घेऊ शकता. ही रक्कम जास्तीत जास्त 36 महिन्यांच्या (तीन वर्षे) कालावधीत परत केली जाऊ शकते. या भागीदारीअंतर्गत, 15,000 हून अधिक पिन कोडसाठी झटपट कर्जाची सुविधा सुरू केली जात आहे.
तुम्ही असा घेऊ शकता लाभ
1. सर्व प्रथम Google Pay मोबाईल ॲप उघडा.
2. जर तुम्ही पूर्व-मंजूर कर्ज मिळविण्यासाठी पात्र असाल, तर तुम्हाला प्रमोशन अंतर्गत Money (मनी) हा पर्याय दिसेल.
3. येथे तुम्हाला Loans वर क्लिक करावे लागेल.
4. आता तुमचा ऑफर्स ऑप्शन ओपन होईल. यामध्ये DMI चा पर्याय दिसेल.
5. येथे तुम्ही पाहण्यास सक्षम असाल की या ऑफर अंतर्गत एखादी व्यक्ती किमान आणि कमाल रकमेचे कर्ज घेऊ शकते. यासोबतच तुम्ही इतर तपशील पाहू शकाल.
6. यानंतर तुम्हाला अर्जाची प्रक्रिया पूर्ण करावी लागेल.
7. अर्ज केल्यावर, कर्ज मंजूर होताच, कर्जाची रक्कम तुमच्या बँक खात्यात येईल.
