दि.23: Indian Army Video: Republic Day Parade: दिल्लीच्या राजपथवर 73 व्या प्रजासत्ताक दिनाच्या सोहळ्याची (73rd Republic Day Celebrations) तयारी जवळपास पूर्ण झाली आहे. रविवारी भारतीय नौदलाच्या जवानांनी फुल ड्रेस रिहर्सल केली. यादरम्यान नौदलाचे जवान ‘दुनिया में लोगों को पर्दा, पर्दा’ या प्रसिद्ध बॉलिवूड गाण्यावर डान्स करताना दिसले.
लष्कराच्या जवानांना फिल्मी बीटवर नाचत असतानाचा हा व्हिडिओ भारत सरकारच्या अधिकृत ट्विटर अकाउंटवरून शेअर करण्यात आला आहे. व्हिडिओमध्ये नौदलाचे जवान अतिशय भावूक स्टाईलमध्ये दिसत आहेत. हा व्हिडिओ पोस्ट करत भारत सरकारच्या ऑफिशियलने कॅप्शनमध्ये लिहिले, ‘काय दृश्य आहे! हा व्हिडिओ नक्कीच तुम्हाला आनंद देईल! तुम्ही आमच्यासोबत 73 व्या प्रजासत्ताक दिनाच्या भव्य सोहळ्याचे साक्षीदार होण्यास तयार आहात का?’
या व्हिडीओमध्ये नौदलाचे जवान पूर्ण ड्रेसमध्ये कसे तयार उभे आहेत हे दिसत आहे. या दरम्यान, रायफल धारण केलेले नौदलाचे जवान ‘अपना देश’ चित्रपटातील ‘दुनिया में लोगों को…’ या गाण्याच्या तालावर नाचत आहेत. हा 2.25 मिनिटांचा व्हिडिओ पाहून प्रत्येक भारतीयाला अभिमान वाटेल, तसेच तो आनंदाने नाचेल.
भारतीय नौदलाच्या जवानांचा हा व्हिडिओ सोशल मीडियावर व्हायरल होत आहे. युजर्सना हा व्हिडिओ खूप आवडला आहे. दरवर्षी प्रजासत्ताक दिनानिमित्त दिल्लीच्या राजपथावर परेडचे आयोजन केले जाते. या परेडमध्ये भारतीय लष्कर, नौदल आणि हवाई दलाचे सैनिक भाग घेतात.
