मुंबई,दि.12: अभिनेता हेमंत बिर्जे (Hemant Birje) यांच्या कारला मुंबई-पुणे एक्स्प्रेस वेवर अपघात झाला आहे. टारझन चित्रपटात काम केल्यानंतर त्यांच्या अभिनयाचे त्याकाळी कौतुक झाले होते. एडव्हेंचर्स ऑफ टारझन या सिनेमामध्ये प्रमुख भूमिकेत 1985 मध्ये प्रमुख भूमिकेत दिसले होते. हेमंत बिर्जे यांच्या कारला मंगळवारी रात्री अपघात झाला. मुंबई-पुणे एक्स्प्रेस वेवर हा अपघात झाला. पोलिसांनी प्रसारमाध्यमांना दिलेल्या माहितीनुसार दोघांनाही किरकोळ जखमा झाल्या आहेत.
पोलीस निरीक्षक सत्यवान माने यांनी सांगितले हेमंत बिर्जे यांची कार रात्री 8 वाजण्याच्या सुमारास पुण्याजवळ असलेल्या उर्से टोल नाक्याजवळ डिव्हायडरला जाऊन आदळली. अपघातावेळी त्यांची मुलगी देखील कारमध्ये होती. तिला काहीही जखम झालेली नाही.
पोलीस निरीक्षक सत्यवान माने यांनी सांगितले की, बिर्जे आणि त्यांच्या पत्नीला जखमा झाल्या आहेत. त्यांच्या मुलीला काहीही लागलेले नाही. बिर्जे आणि त्यांच्या पत्नीला नजीकच्या पवना हॉस्पिटलमध्ये उपचारासाठी दाखल करण्यात आले आहे.
