रुग्णालयात जन्माच्या वेळीच मिळणार मुलांना आधार क्रमांक जाणून घ्या UIDAI ची संपूर्ण योजना
Aadhar Card : युनिक आयडेंटिफिकेशन अथॉरिटी ऑफ इंडिया (UIDAI) लवकरच रुग्णालयात जन्मलेल्या नवजात बालकांना आधार कार्ड देण्याची तयारी करत आहे. यासाठी रुग्णालयांना लवकरच आधार नोंदणीची सुविधा दिली जाणार असून, त्याद्वारे ते नवजात बालकांचे आधार कार्ड त्वरित बनवतील.
ANI शी बोलताना UIDAI चे CEO सौरभ गर्ग म्हणाले, “UIDAI नवजात बालकांना आधार क्रमांक देण्यासाठी जन्म रजिस्ट्रारशी करार करण्याचा प्रयत्न करत आहे.” “आतापर्यंत, देशातील 99.7 टक्के प्रौढ लोकसंख्येला आधार क्रमांक जारी करण्यात आला आहे. यासाठी सुमारे 131 कोटी लोकसंख्येची नोंदणी झाली असून आता नवजात बालकांची नोंदणी करण्याचा आमचा प्रयत्न आहे.
गर्ग पुढे म्हणाले की, देशात दरवर्षी 2 ते 2.5 कोटी मुले जन्माला येतात. आम्ही त्यांची आधार नोंदणी करण्याच्या प्रक्रियेत आहोत. मुलाच्या जन्माच्या वेळी छायाचित्राच्या क्लिकच्या आधारे आधारकार्ड उपलब्ध करून दिले जाईल, असे ते म्हणाले. UIDAI CEO म्हणाले, “आम्ही पाच वर्षांखालील मुलांचे बायोमेट्रिक्स गोळा करत नाही, परंतु ते त्याच्या/तिच्या पालकांपैकी एकाशी, एकतर आई किंवा वडिलांसोबत आणि वयाची पाच वर्षे ओलांडल्यानंतर लिंक करतो. त्यानंतर बायोमेट्रिक्स मुलाचे घेतले जाईल.
मागील वर्षी 10 हजार शिबीर घेण्यात आली
गर्ग पुढे म्हणाले, आम्ही आमच्या संपूर्ण लोकसंख्येला आधार क्रमांक देण्याचा प्रयत्न करत आहोत. गेल्या वर्षी, आम्ही दुर्गम भागात 10,000 शिबिरे लावली होती, जिथे त्यांना सांगण्यात आले की अनेक लोकांकडे आधार क्रमांक नाहीत. यानंतर सुमारे 30 लाख लोकांची आधार नोंदणी झाली.
2010 मध्ये पहिला आधार क्रमांक देण्यात आला
गर्ग पुढे म्हणाले, “पहिला आधार क्रमांक 2010 मध्ये दिला गेला. सुरुवातीला आमचे लक्ष जास्तीत जास्त लोकांची नोंदणी करण्यावर होते आणि आता आम्ही अपडेट करण्यावर लक्ष केंद्रित केले आहे. दरवर्षी सुमारे 10 कोटी लोक त्यांचे नाव, पत्ता, मोबाईल नंबर अपडेट करतात. 140 कोटी बँक खात्यांपैकी 120 कोटी खाती आधारशी जोडण्यात आली आहेत.
