नाशिक,दि.27: नाशिकमध्ये एक मोठी दुर्घटना घडली आहे. चार्जिंगला लावलेल्या मोबाईलचा स्फोट झाल्याची धक्कादायक घटना नाशिकमधून समोर आलीय. नाशिकच्या उत्तम नगर परिसरात एक दुर्देवी घटना घडली आहे. एका घरात चार्जिंगला लावलेल्या मोबाईलचा स्फोट झाला.
या दुर्घटनेत स्फोटामध्ये 3 जण जखमी झाले, तर 1 जण गंभीर जखमी आहे. स्फोटामुळे घराच्या काचा फुटल्या.
घरात चार्जिंगला लावलेल्या मोबाइलचा स्फोट
ज्या घरात मोबाईलचा स्फोट झाला तिथे नुकसान झालच. पण आजूबाजूच्या घरांच्या देखील काचा फुटल्या आहेत.
मोबाईलचा स्फोटात 3 जण जखमी झालेत. त्यावरुन स्फोटाची तीव्रता लक्षात येते. मोबाइल चार्जिंगला लावलेला तिथे एक परफ्युम होता.
मोबाइल स्फोटातील जखमींना खाजगी रुग्णालयात दाखल केलं आहे. नाशिकच्या उत्तमनगर परिसरात सकाळी 6 वाजता ही घटना घडली.
फक्त नाशिकमध्येच नाही, याआधी देशातील अन्य भागातही चार्जिंगला लावलेल्या मोबाइलचा स्फोट होण्याच्या घटना घडल्या आहेत.
