दि.12: कर्मचारी भविष्य निर्वाह निधी (EPFO) ने 2021-22 साठी व्याजदर कमी केला आहे. PTI कडून मिळालेल्या माहितीनुसार, कर्मचारी भविष्य निर्वाह निधी EPFO व्याजदर 8.5% वरून 8.1% करण्यात आला आहे. कर्मचारी भविष्य निर्वाह निधी संघटना (EPFO) ने शनिवारी चालू आर्थिक वर्ष 2021-22 साठी भविष्य निर्वाह निधी ठेवींवर 8.1 टक्के व्याज दर देण्याचा निर्णय घेतला. हा एका दशकातील सर्वात कमी व्याजदर आहे.
कामगार मंत्रालयाच्या सूत्रांनी दिलेल्या माहितीनुसार, EPFO च्या केंद्रीय विश्वस्त मंडळाने आर्थिक वर्ष 2021-22 साठी 8.1% व्याजदराची शिफारस करण्याचा निर्णय घेतला आहे. EPFO बोर्डाची शिफारस लवकरच वित्त मंत्रालयाकडे पाठवली जाईल. EPFO च्या केंद्रीय विश्वस्त मंडळाची बैठक गुवाहाटी येथे झाली. कर्मचारी भविष्य निर्वाह संघटनेचा हा निर्णय नोकरदारांसाठी निश्चितच धक्क्यापेक्षा कमी नाही. या निर्णयामुळे ईपीएफओच्या सुमारे 6 कोटी लोकांना धक्का बसला आहे.
एकीकडे देशातील जनता महागाईशी झुंजत आहे, अशा कठीण परिस्थितीतही सरकारने पीएफवरील व्याजात कपात केली आहे. 1977-78 या आर्थिक वर्षात EPFO ने 8% व्याजदर निश्चित केला होता. त्यानंतर, आता खूप कमी व्याज मिळत आहे. आत्तापर्यंत 8.25% किंवा त्यापेक्षा अधिक व्याज मिळत होते.