नवी दिल्ली,दि.22: E-Challan: आजकाल बहुतेक लोकांकडे दुचाकी, स्कूटर किंवा कार इ. असते. अशा परिस्थितीत जर त्यांनी किंवा त्यांच्या वाहनाने वाहतुकीचा कोणताही नियम मोडला आणि तो कॅमेऱ्यात कैद झाला तर त्या वाहनावर चालान काढले जाते. बनावट ई-चालानचा (E-Challan) धाक दाखवून सायबर गुन्हेगार सर्वसामान्यांना बळी बनवण्याचा प्रयत्न करत आहेत. याबाबत एक मोठा खुलासा झाला आहे, ज्यामध्ये व्हिएतनाममधील सायबर गुन्हेगारांची टोळी ई-चालानच्या नावाखाली भारतीयांना फसवणुकीचा शिकार बनवत असल्याचे सांगण्यात आले आहे.
सायबर सिक्युरिटी फर्म CloudSEK ने नुकताच एक अहवाल प्रसिद्ध केला आहे. व्हिएतनाममधील सायबर गुन्हेगारांचा एक गट भारतीय वापरकर्त्यांना लक्ष्य करत असल्याचे फर्मने उघड केले आहे. भारतीयांना लुटण्याच्या इराद्याने ते ई-चलानचे बनावट संदेश पाठवत आहेत. या प्रकारच्या मेसेजमध्ये एक लिंक असते, ज्यावर क्लिक केल्यावर पीडिताच्या मोबाईलमध्ये Malicious App ॲप इन्स्टॉल होते.
अशा प्रकारे केली जाते फसवूण | E-Challan
सायबर गुन्हेगारांची ही टोळी आधी युजर्सच्या मोबाईलवर मेसेज पाठवते. हे संदेश परिवहन सेवा किंवा कर्नाटक पोलिसांचे नाव वापरून पाठवले जातात. त्यामध्ये वाहतुकीचे नियम मोडण्याबाबतची माहिती असते आणि त्याबद्दलच्या दंडाची माहिती असते. या संदेशात एक लिंक देखील आहे.
ॲप होते इन्स्टॉल
वापरकर्त्यांनी या लिंकवर क्लिक करताच, पीडितेच्या मोबाइल फोनमध्ये एक ॲप स्थापित होते. यानंतर ॲप काम करू लागते आणि सर्वप्रथम त्याला परवानगी मिळते. यानंतर फोन कॉल, मेसेज इत्यादींचा ॲक्सेस घेतो. अनेक वेळा हे ॲप डीफॉल्ट मेसेजिंग ॲपचा प्रवेश घेते.
ओटीपी चोरला जातो
हा मालवेअर Wromba कुटुंबाचा भाग आहे. यामुळे 4400 हून अधिक उपकरणांना संसर्ग झाला आहे. यानंतर, तो गुपचूप OTP ॲक्सेस घेतो आणि मेसेजमधील इतर महत्त्वाचे तपशीलही चोरतो. याशिवाय, तो ई-कॉमर्स खात्यात प्रवेश देखील घेतो. यानंतर ते त्या पैशातून भेटकार्डे खरेदी करतात, नंतर त्यांचा वापर करतात. अशा परिस्थितीत पैशांचा माग काढण्यात अडचणी निर्माण होतात आणि हॅकर्स पळून जातात. मिळालेल्या माहितीनुसार, सायबर गुन्हेगारांच्या या टोळीने सुमारे 16 लाख रुपयांची फसवणूक केली आहे.
