मुंबई,दि.27: विधानसभा अध्यक्ष राहुल नार्वेकर यांनी मनोज जरांगे पाटील यांची SIT चौकशी करण्याचे आदेश दिले आहेत. भाजपा आमदार आशिष शेलार यांनी विधानसभेमध्ये मनोज जरांगे पाटील यांची एसआयटी चौकशी करण्याची मागणी केली. मनोज जरांगे पाटील यांनी आंदोलनादरम्यान उपमुख्यमंत्री देवेंद्र फडणवीस यांच्यावर शिवराळ भाषेत टीका केली होती.
मनोज जरांगे पाटील यांनी एकेरी उल्लेख करत देवेंद्र फडणवीस यांच्यावर टीका केली होती. यानंतर भाजपा आमदार आक्रमक झाले. आशिष शेलार म्हणाले मनोज जरांगे यांनी एकेरी उल्लेख करत फडणवीस यांच्यावर टीका केली तर पंतप्रधान नरेंद्र मोदी यांना चॅलेंज केल्याचे शेलार विधानसभेत म्हणाले.
मनोज जरांगे पाटील यांनी केलेल्या विधानांवरुन विशेष समितीच्या माध्यमातून चौकशी करण्याचे आदेश विधानसभेचे अध्यक्ष राहुल नार्वेकरांनी दिले आहेत. तर विधानपरिषदेमध्ये आमदार प्रवीण दरेकर यांनी आशिष शेलार यांचाच मुद्दा उचलून धरत जरांगेवर गुन्हा दाखल करुन त्यांना अटक करावी अशी मागणी केली आहे.
विधान परिषदेत मनोज जरांगे यांच्या आंदोलनामागे शरद पवार यांचा हात असल्याचा आरोप करत, आमदार राजेश टोपे यांच्या कारखान्यावर आंदोलनाचे षडयंत्र रचले जात होते, असा गंभीर आरोप प्रविण दरेकर यांनी केला आहे. दरेकर यांनी आमदार रोहित पवार यांचंही नाव घेतलं.
मनोज जरांगेंना अटक का होत नाही
जरांगेंच्या सभेच्या खर्चाबाबतचा प्रश्न उल्लेख दरेकर यांनी दगडफेकीच्या घटनेची एसआयटी चौकशी करण्याची मागणी केली. तसेच, जर केंद्रीयमंत्री नारायण राणेंना अटक होऊ शकते, केवळ मुख्यमंत्र्यांना चापट मारेल, असं बोलल्यानंतर मंत्री महोदयांना अटक केली होती. मग, मनोज जरांगेंना अटक का होत नाही. मनोज जरांगे यांच्यावर गुन्हा दाखल करुन त्यांना अटक करा, अशी मागणीही दरेकर यांनी विधानपरिषदेत केली.
