दि.2: ऑल इंडिया मजलिस-ए-इत्तेहाद मुस्लिमीन (AIMIM) प्रमुख असदुद्दीन ओवेसी (Asaduddin Owaisi) यांनी जम्मू-काश्मीरमध्ये गैर-मुस्लिम, विशेषत: काश्मिरी पंडितांवर झालेल्या दहशतवादी हल्ल्यांवरून केंद्र सरकारवर निशाणा साधला आहे. काश्मिरी पंडितांना सुरक्षा देण्याऐवजी नरेंद्र मोदी सरकार चित्रपटाच्या प्रमोशनमध्ये व्यस्त असल्याचे ओवेसी यांनी म्हटले आहे. ओवेसी यांनी गुरुवारी या मुद्द्यावर ट्विट करत लिहिले, “काश्मीरचे दुसरे स्थलांतर (खोऱ्यातून) सुरू आहे आणि यासाठी पंतप्रधान कार्यालय (पीएमओ) जबाबदार आहे. सरकारकडून 1989 च्या चुकांची पुनरावृत्ती होत आहे. आणि मोदी सरकार चित्रपटांच्या प्रमोशनमध्ये व्यस्त.
दुसर्‍या ट्विटमध्ये, AIMIM प्रमुखांनी लिहिले, “1987 च्या विधानसभा निवडणुकीत ज्या प्रकारे धांदली झाली होती, नव्या परिसीमनातून अवाजवी फायदा घेण्याचा प्रयत्न केला जात आहे. भाजपने पंडितांचा (काश्मिरींचा) वापर फक्त राजकारणासाठी केला आहे. जेव्हा त्यांच्या काळातील दंगलींबद्दल प्रश्न उपस्थित केले जातात. , ते म्हणतात – मग पंडितांवरील अत्त्याचाराचे काय? यापेक्षा पंडितांबद्दल भाजपला फारसा महत्व नाही.
विशेष म्हणजे अलीकडच्या काळात काश्मीर खोऱ्यात दहशतवादी हल्ले वाढले आहेत. गुरुवारी कुलगाममध्ये दहशतवाद्यांनी एका व्यक्तीची हत्या केली. बँक मॅनेजर असे या व्यक्तीची ओळख पटली असून तो मूळचा राजस्थानमधील हनुमानगडचा रहिवासी होता. मिळालेल्या माहितीनुसार, कुलगाम जिल्ह्यातील आरेह मोहनपोरा येथील स्थानिक देहाती बँकेत दहशतवाद्यांनी बँक व्यवस्थापकावर गोळीबार केला. या दहशतवादी घटनेत त्यांना गंभीर दुखापत झाल्याने त्यांचा मृत्यू झाला.
