पुणे,दि.27: भीषण अपघात एकाच कुटुंबातील 3 जणांचा मृत्यू झाला आहे. पुणे-सोलापूर महामार्गावर ( Pune-Solapur highway) भीषण अपघात घडला आहे. पुण्यावरून सोलापूरच्या दिशेने जाणाऱ्या अज्ञात वाहनाने पाच जणांना चिरडल्याची घटना घडली आहे. या भीषण अपघातात एकाच कुटुंबातील 3 जणांचा जागीच मृत्यू झाला आहे तर दोन जण गंभीररित्या जखमी झाले आहे.
पुणे-सोलापूर महामार्गावरील कुरकुंभ गावच्या हद्दीमध्ये ही घटना घडली आहे. अज्ञात वाहन पुणे-सोलापूर महामार्गावरील पुण्याकडून सोलापूर दिशेने चालले होते. याच दरम्यान महामार्ग ओलांडत असताना अज्ञात वाहनाची धडक बसली. या अज्ञात वाहनाने 5 जणांचा चिरडले. यात तिघांचा जागीच मृत्यू झाला. या अपघातात एका महिलेसह दोन लहान मुलांचा देखील समावेश आहे. घुबरा तीलकराम गौतम (वय 35), मुकेश तीलकराम (वय 10) रिंकी तीलकराम गौतम (वय 7) अशी मृतांची नाव आहे.
तीलकराम गौतम, सागर गौतम (वय 8) अशी जखमींची नाव आहे. या दोघा जखमींना जवळच्या रुग्णालयात दाखल करण्यात आले आहे. घटनेची माहिती मिळताच दौंड पोलिसांनी घटनास्थळी धाव घेतली. तिन्ही मृतदेह ताब्यात घेतले असून जखमींना रुग्णालयात दाखल केले आहे. या प्रकरणी गुन्हा दाखल करण्यात आला असून अज्ञात वाहनाचा शोध घेतला जात आहे.
