बीड,दि.२३: Ambajogai Accident: ट्रक आणि जीपच्या भीषण अपघातात (Accident) सात प्रवासी ठार झाले आहेत. बीडच्या अंबाजोगाई येथे भरधाव वेगात असलेल्या ट्रक आणि जीपची समोरासमोर धडक होऊन झालेल्या भीषण अपघातात सहा प्रवासी जागीच ठार झाले आहेत. तर जीपचा ड्रायव्हरचा रुग्णालयात घेऊन जात असताना मृत्यू झाला आहे. हा अपघात अंबाजोगाई तालुक्यातील सायगावच्या खडी केंद्राजवळ घडला आहे. अपघातात मृतांचा आकडा आणखी वाढण्याची भीती व्यक्त केली जात आहे. आर्वी (ता.लातूर) येथून अंबाजोगाई तालुक्यातील राडी येथे एका घरगुती कार्यक्रमासाठी नातेवाईक जीपने येत होते.
दरम्यान, सायगावजवळील खडी केंद्राजवळ समोरून भरधाव वेगात आलेल्या ट्रकने जीपला जोराची धडक दिली. यात पाच महिला व एक बालक जागीच ठार झाले आहेत. अपघाताची माहिती मिळताच पोलिसांनी घटनास्थळी धाव घेतली असून मृतदेह व जखमींना अंबाजोगाई येथील रुग्णालयात पाठविण्यात आले आहे.
शनिवारी सकाळी दहा वाजेच्या सुमारास हा अपघात झाल्याची माहिती समोर आली आहे. एमएच २४ व्ही – ८०६१ क्रमांकाच्या ट्रकने आरजे ११ जीए ९२१० क्रमांकाच्या जीपला जोरात धडक दिली. जीपमधील प्रवासी लातूरचे रहिवारी असल्याची देखील प्राथमिक माहिती मिळत आहे.
लातूर येथील आर्वी गावातून अंबाजोगाई तालुक्यातील राडी येथे कार्यक्रमासाठी जात असलेल्या गंगणे कुटूंबियांच्या क्रुझर गाडीचा ( क्र . एम.एच. २४ व्ही ८०६१ ) समोरून येणाऱ्या ट्रक ( क्र.आर.जे. ११ जी.ए .९२१० ) यांच्यात समोरासमोर धडक होवून भीषण अपघात झाला. हा अपघात सकाळी साडेदहा वाजता झाल्याची माहिती प्रथमदर्शनी नागरिकांनी दिली आहे. दरम्यान क्रूझर गाडीमध्ये १२ जण असल्याची प्राथमिक माहिती मिळत आहे.
अपघात एवढा भीषण होता की रस्त्यावर अक्षरशः रक्तमांसाचा सडा पडला. या अपघातात क्रुझर गाडीतील ५ महिला १ बालक जागीच ठार तर एका पुरुषाचा रुग्णालयात घेऊन जात असताना मृत्यू झाला आहे. दरम्यान, मृतकांची अद्याप नावे समजू शकली नसून अपघातातील जखमींना अंबाजोगाईच्या स्वाराती रुग्णालयात उपचारासाठी हलवण्यात आले आहे.
