दि.13: Actress Rupa Datta Arrested: अनुराग कश्यपवर (Anurag Kashyap) लैंगिक छळाचा आरोप करणारी अभिनेत्री रूपा दत्ता (Rupa Dutta) हिला चोरीप्रकरणी अटक करण्यात आली आहे. रूपा दत्ता ही बंगाली चित्रपट अभिनेत्री आहे. आंतरराष्ट्रीय कोलकाता बुक फेअरमधून पैसे चोरल्याप्रकरणी रूपा दत्ताला अटक करण्यात आली आहे. मीडिया रिपोर्ट्सनुसार, एका महिलेला कचऱ्याच्या डब्यात बॅग फेकताना पाहून पोलिसांना संशय आला.
वृत्तानुसार, रूपा दत्ता जवळून 75,000 रुपये जप्त करण्यात आले आहेत. ही घटना शनिवारी रात्री घडली. कोलकाता येथील विधाननगर उत्तर पोलीस स्टेशनने माहिती दिली आहे की घटनास्थळी उपस्थित असलेल्या पोलिसांनी एका महिलेला कचऱ्याच्या डब्यात प्लास्टिकची पिशवी फेकताना पाहिले. त्यानंतर त्याने याची माहिती इतर पोलिसांना दिली.
पोलिसांनी महिलेची चौकशी केली असता ती अभिनेत्री रूपा दत्ता असल्याचे आढळून आले, तिच्या बॅगची झडती घेतली असता त्यातून पैशांनी भरलेली बॅग सापडली. एकूण रक्कम ₹ 75000 आहे. आता पोलिसांनी अभिनेत्रीला ताब्यात घेऊन तिला कोर्टात हजर करणार असल्याचे सांगितले आहे. पोलिसांनी आरोपीची ओळख रूपा दत्ता अशी केली आहे, तिने अनुराग कश्यपवर लैंगिक छळाचा आरोप केला होता. मात्र आरोप चुकीचा निघाला होता.
खरंतर 2020 मध्ये रूपा दत्ताने निर्माता-दिग्दर्शक अनुराग कश्यपवर अश्लील मेसेज पाठवल्याचा आरोप केला होता पण नंतर असे आढळून आले की ती फेसबुकवर दुसऱ्या कोणाशी तरी संभाषण करत होती, ज्याचे पहिले नाव देखील अनुराग होते. अनुरागसोबत झालेल्या चॅटचे अनेक स्क्रीनशॉटही ट्विटरवर शेअर केले होते.
