तज्ज्ञांकडून धोक्याचा इशारा
दि.23 : भारतासह अनेक देशात कोरोनाने थैमान घातले आहे. देशात आढळणाऱ्या कोरोनाच्या नवीन व्हेरिएंटने चिंता व्यक्त केली जात आहे. अशातच डेंग्यूचे रुग्ण आढळत आहेत. डेंग्यूचा नवा व्हेरिएंट सापडला आहे. नवीन डेंग्यू व्हेरिएंट DENV-2 च्या ओळखीवर डॉक्टरांनी धोक्याचा इशारा जारी केला आहे. केरळसह 11 राज्यांमध्ये डेंग्यू तापाच्या धोकादायक व्हेरिएंटचा प्रकार आढळला आहे. तज्ज्ञांच्या म्हणण्याप्रमाणे, डेंग्यू विषाणूचा व्हेरिएंट केस लोडमध्ये भर घालत आहे आणि तो पूर्णपणे प्राणघातक आहे.
डेंग्यूचा फैलाव हा डासांमुळे पावसाळ्यात होतो. महाराष्ट्र, केरळ, उत्तर प्रदेश, तेलंगणा, ओडिशा, आंध्र प्रदेश, मध्य प्रदेश, राजस्थान, गुजरात, तामिळनाडू आणि कर्नाटकमध्ये डासांमुळे होणाऱ्या व्हायरल संसर्गाची पुष्टी झाली आहे. डेंग्यूची काही प्रकरणं साधारणपणे पावसाळ्यात नोंदवली जात असली तरी यावर्षी डासांमुळे होणाऱ्या विषाणूजन्य आजाराशी संबंधित प्रकरणांमध्ये गेल्या दीड महिन्यात लक्षणीय वाढ झाली आहे.
अहवालानुसार, डेंग्यू विषाणू, DENV-2 किंवा D2 स्ट्रेन केवळ प्रकरणांची तीव्रता वाढवत नाही तर अधिक नुकसान देखील करतो. इंडियन काउंसिल ऑफ मेडिकल रिसर्चचे बलराम भार्गव यांनी म्हटलं की, हा स्ट्रेन विशेषतः धोकादायक आहे आणि यामुळे मृत्यू होण्याचा धोका अधिक आहे.
