नवी दिल्ली,दि.२५: पेट्रोल, डिझेलच्या किंमतीत दररोज वाढ होताना दिसत आहे. पेट्रोल, डिजेलचे दर जाणून घेण्यासाठी काही अॅप्सची मदत होऊ शकते. गेल्या काही महिन्यात पेट्रोल, डिझेलच्या किंमतीत मोठ्या प्रमाणात वाढ झाली आहे. इंधनाच्या दराने आतापर्यंतचा उच्चांक गाठला आहे. पेट्रोल-डिझेलच्या दरात दररोज वाढ होताना दिसत आहे. त्यामुळे घरातून पेट्रोल अथवा डिझेल भरण्यासाठी बाहेर पडत असाल तर त्याआधी रेट तपासणे गरजेचे आहे. पेट्रोल आणि डिझेलच्या किंमती वेगवेगळ्या राज्यांमध्ये वेगवेगळ्या असतात. याचे कारण म्हणजे प्रत्येक राज्यात इंधनावर लावलेला कर हे आहे. कर वेगवेगळे असल्याने इंधनाचे दर प्रत्येक राज्यात वेगवेगळे असतात. अनेक डिजिटल वॉलेट ग्राहकांना पहिल्या ट्रांजॅक्शनवर कॅशबॅक देखील देतात. याशिवाय, गुगल प्ले स्टोर आणि अ‍ॅपल अ‍ॅप स्टोरवर असे अनेक अ‍ॅप्स उपलब्ध आहेत, ज्याच्या मदतीने तुम्ही दररोज बदलणारे इंधनाचे दर तपासू शकता. मोफत उपलब्ध असलेल्या या अ‍ॅप्सविषयी जाणून घेऊया.
IndianOil ONE
IndianOil ONE अ‍ॅपला तुम्ही अ‍ॅपल अ‍ॅप स्टोर आणि गुगल प्ले स्टोरवरून डाउनलोड करू शकतो. याद्वारे तुम्हाला पेट्रोल-डिझेलच्या किंमतीची तर माहिती मिळेलच. सोबतच, इंडियन गॅसला देखील बुक करू शकता. यामध्ये तुम्हाला आजुबाजूच्या पेट्रोल पंपचा मिनी मॅप दिसेल. यात तुम्ही कोणत्याही पेट्रोल पंपच्या लोकेशनवर क्लिक करून तेथील पेट्रोल आणि डिझेलच्या किंमतीबाबत जाणून घेऊ शकता.
Smart Drive
Smart Drive अ‍ॅपद्वारे तुम्ही पेट्रोल आणि डिझेलच्या किंमतीबाबत जाणून घेऊ शकता. या अ‍ॅपला तुम्हाला स्मार्टफोनमध्ये डाउनलोड करता येईल. हे लोकल फ्यूल स्टेशनच्या लोकेशनबाबत माहिती देते. तसेच, तुमच्या आजुबाजूला कोठे स्वस्त पेट्रोल मिळत आहे, याबाबत देखील याद्वारे माहिती मिळेल.
MyPetrolprice
MyPetrolprice हे देखील असे एक अ‍ॅप आहे, ज्याद्वारे पेट्रोल आणि डिझेलच्या किंमतीबाबत सहज माहिती मिळते. तुम्ही याद्वारे तुमच्या आजुबाजूला कोठे स्वस्त इंधन मिळत आहे, ते जाणून घेऊ शकता. विशेष म्हणजे हे सर्व अ‍ॅप तुम्ही मोफत डाउनलोड करू शकता.
