सोलापूर,दि.१४: शेतकऱ्यांना कोणत्याही जाचक अटींशिवाय सरसकट कर्जमाफी (Loan Waiver) मिळावी, या मागणीसाठी आमदार रोहित पवार यांनी पंढरपूर येथील छत्रपती शिवाजी महाराज चौकात १२ जून (शुक्रवार) पासून बेमुदत ‘अन्नत्याग’ आंदोलन (Hunger Strike) सुरू केले आहे. या आंदोलनाला संभाजी ब्रिगेड सोलापूर जिल्ह्याच्या वतीने पंढरपूर येथे प्रत्यक्ष भेट देऊन जाहीर पाठिंब्याचे पत्र (Letter of Support) देण्यात आले.
कर्जमाफीअभावी राज्यातील शेतकरी सध्या प्रचंड हवालदिल (Distressed) झाला आहे. वाढत्या आर्थिक संकटामुळे (Financial Crisis) अनेक शेतकऱ्यांनी आत्महत्या केल्या आहेत. संभाजी ब्रिगेड नेहमीच शेतकऱ्यांच्या पाठीशी खंबीरपणे उभी राहिली आहे. त्यामुळेच आमदार रोहित पवार यांनी शेतकऱ्यांच्या न्याय्य हक्कांसाठी सुरू केलेल्या या आंदोलनाला संभाजी ब्रिगेडने आपला सक्रिय पाठिंबा दर्शवला आहे.
या प्रसंगी संभाजी ब्रिगेडचे माजी पश्चिम महाराष्ट्र अध्यक्ष श्याम कदम, जिल्हाध्यक्ष संभाजी राजे भोसले, पंढरपूर विभाग जिल्हाध्यक्ष प्रदीप मिसाळ, वकील आघाडी (Legal Cell) जिल्हाध्यक्ष गणेश कदम, जिल्हा कार्याध्यक्ष शेखर भोसले, उत्तर सोलापूर तालुकाध्यक्ष विक्रम वानकर आणि पंढरपूर शहराध्यक्ष शनी घुले उपस्थित होते. तसेच तालुकाध्यक्ष दीपक कवडे, कैलास कणसे, संतोष शिंदे, मंगेश माने, सुहास पोळ, नागराज लवंड, राजू शिंदे, मल्हार गायकवाड, रोहित गावडे, सुदर्शन चौगुले आणि शिवाजी ढवळ यांच्यासह इतर पदाधिकारी व कार्यकर्ते मोठ्या संख्येने उपस्थित (Present) होते.
