तेहरान: मध्य-पूर्वेतील युद्धाला आतापर्यंतचे सर्वात मोठे आणि धक्कादायक वळण मिळाले आहे. इराणचे सर्वोच्च नेते अयातुल्ला अली खामेनेई यांचा मृत्यू (Ayatollah Ali Khamenei Death) झाल्याच्या वृत्ताला इराणच्या अधिकृत ‘प्रेस टीव्ही’ने अधिकृत दुजोरा दिला आहे. गेल्या २४ तासांपासून त्यांच्या प्रकृतीबाबत आणि ठावठिकाण्याबाबत सुरू असलेल्या चर्चांना आता पूर्णविराम मिळाला असून, इस्रायल आणि अमेरिकेच्या संयुक्त हवाई हल्ल्यात त्यांचा अंत झाल्याचे स्पष्ट झाले आहे.
बंकरमध्ये झाला भीषण हल्ला | अयातुल्ला अली खामेनेई यांचा मृत्यू
इस्रायलच्या ‘ऑपरेशन न्यू ऑर्डर’ अंतर्गत तेहरानमधील खामेनेई यांच्या निवासस्थानाला आणि त्याखालील अतिसुरक्षित बंकरला लक्ष्य करण्यात आले होते. या हल्ल्यात अयातुल्ला अली खामेनेई यांचा मृत्यू झाला असून त्यांच्यासोबत त्यांचे अनेक निकटवर्तीय आणि लष्करी अधिकारीही मारले गेल्याचे वृत्त आहे. इराण सरकारने आता देशात ४० दिवसांचा राष्ट्रीय शोक जाहीर केला असून ७ दिवसांची सार्वजनिक सुटी घोषित केली आहे.
डोनाल्ड ट्रम्प यांचा दावा ठरला खरा
अमेरिकेचे राष्ट्राध्यक्ष डोनाल्ड ट्रम्प यांनी काही तासांपूर्वीच ‘ट्रुथ सोशल’ या प्लॅटफॉर्मवर अयातुल्ला अली खामेनेई यांचा मृत्यूझाल्याचे संकेत दिले होते. सुरुवातीला इराणने हे वृत्त फेटाळून लावले होते, मात्र परिस्थिती हाताबाहेर गेल्याचे लक्षात येताच सरकारी प्रसारमाध्यमांनी या घटनेवर शिक्कामोर्तब केले.
इराणमध्ये आणीबाणीची परिस्थिती
१९८९ पासून इराणची एकहाती सत्ता सांभाळणाऱ्या खामेनेईंच्या जाण्याने संपूर्ण देशात शोककळा पसरली आहे. इराणच्या रस्त्यांवर लष्करी बंदोबस्त वाढवण्यात आला असून, आता सत्ता कोणाच्या हातात जाणार आणि इराण या हल्ल्याचा किती तीव्रतेने बदला घेणार, याकडे संपूर्ण जगाचे लक्ष लागले आहे. अयातुल्ला अली खामेनेई यांचा मृत्यू हा इराणसाठी आतापर्यंतचा सर्वात मोठा धक्का मानला जात आहे.
