सोलापूर,दि.१: सोलापूर जिल्ह्यातील अनगर नगरपंचायतीची निवडणूक स्थगित करण्यात आली आहे. नगराध्यक्ष पदाची निवडणूक राज्यभर गाजली होती. माजी आमदार राजन पाटील यांच्या सुनबाई, भाजपच्या उमेदवार प्राजक्ता अजिंक्यराणा पाटील या बिनविरोध नगराध्यक्ष झाल्या होत्या. अनगर नगरपंचायत अध्यक्षपदाची निवडणूक स्थगित करण्यात आली आहे. आता सुधारित निवडणूक कार्यक्रमानुसार पुढील कार्यवाही होणार आहे.
याबाबत जिल्हा निवडणूक अधिकारी तथा जिल्हाधिकारी कुमार आशीर्वाद यांनी आदेश जारी केले आहेत. अनगर नगरपंचायत अध्यक्षपदाची निवडणूक बिनविरोध झाल्यानंतर याच्या विरोधात राज्यभर येथील दहशतीची मोठी चर्चा झाली होती. आता या निवडीला स्थगिती देण्यात आली असून सुधारित कार्यक्रमानुसार येथे पुढील कार्यवाही होणार आहे.
जिल्हाधिकारी तथा निवडणूक अधिकारी कुमार आशीर्वाद यांनी एक परिपत्रक काढत सोलापूर जिल्ह्यातील पाच नगरपरिषदांमधील काही जागांसह अनगर नगरपंचायत अध्यक्षपदाची निवडणूक स्थगित केली आहे.
