नवी दिल्ली,दि.२६: Elon Musk (एलन मस्क) आता स्मार्टफोन लाँच करणार असल्याची चर्चा आहे. ट्विटरचे नवीन मालक एलन मस्क हे नाव गेल्या काही दिवसांपासून भलतेच चर्चेत आहे. ट्विटरला खरेदी केल्यानंतर एलन मस्क धडाधड निर्णय घेत आहेत. अनेक लोकांच्या नोकऱ्यावर गंडांतर आणणारे एलन मस्क आता आणखी एक मोठा निर्णय घेण्याच्या तयारीत आहे. एलन मस्क हे आता आपला स्मार्टफोन लाँच करणार आहे, अशी माहिती समोर येत आहे. एलन मस्क यांचा स्मार्टफोन थेट आयफोन आणि सॅमसंगच्या फोनला टक्कर देणार आहे. जाणून घ्या या संबंधीची सविस्तर माहिती.
स्मार्टफोन मार्केटमध्ये Elon Musk ची टक्कर ॲपल, गुगल आणि सॅमसंग सारख्या मोठ्या दिग्गज कंपन्या सोबत होणार आहे. नुकत्याच एका ट्विटला रिप्लाय करताना ॲपलने म्हटले होते की, ते एक ऑप्शन फोन आणणार आहेत. खरं म्हणजे ॲपल आणि गुगल कडून प्ले स्टोर वरून ट्विटरला हटवले जाण्यावरून चर्चा सुरू होती. याला रिप्लाय म्हणून एलन मस्क यांनी फोन आणणार असल्याचे म्हटले आहे.
एलन मस्क यांनी आपल्या ट्विटमध्ये म्हटले की, मी निश्चित रुपाने आशा करतो की, ते त्यावर येणार नाहीत. परंतु, जर कोणताही अन्य ऑप्शन नसेल तर मी एक ऑप्शनल फोन बनवणार आहे. ही पूर्ण चर्चा तेव्हा सुरू झाली ज्यावेळी काही यूजर्सने ॲपल आणि गुगलच्या ऑपरेटिंग सिस्टमवरून पक्षपातीपणा केल्याचा आरोप केला आहे.
एलन मस्क सध्या अंतराळ प्रवास, इलेक्ट्रिक गाड्या, बिल्डिंग निर्माण, आणि सोशल मीडिया सारख्या बिझनेसला हँडल करीत आहेत. भविष्यात याची जास्त शक्यता आहे की, एलन मस्क स्मार्टफोन प्रोडक्शनमध्ये सुद्धा एन्ट्री करू शकतात. स्मार्टफोन ऑपरेटिंग सिस्टम मार्केटमध्ये Apple आणि Google ची खूप आधीपासून मक्तेदारी आहे. जवळपास १५ वर्षापासून मार्केट अँड्रॉयड आणि आयओएस फोनच्या ऑपरेटिंग सिस्टम म्हणून कार्यरत आहे.
