दि.14: up news: उत्तर प्रदेशात (Uttar Pradesh) भारतीय जनता पक्षाला (bjp) मोठा जनादेश मिळाला आहे. त्याचवेळी सपा प्रमुख अखिलेश यादव (akhilesh yadav) यांना पुन्हा एकदा सत्तेत येण्यासाठी पाच वर्षे वाट पाहावी लागणार आहे. दरम्यान, अखिलेश यादव आणि पक्षाचे दिग्गज नेते आझम खान (aazam khan) हे लोकसभेचे सदस्य राहणार असल्याची माहिती मिळाली आहे. असे झाल्यास त्यांना आमदारकीचा राजीनामा द्यावा लागेल.
सध्या लोकसभेत समाजवादी पक्षाचे केवळ 5 सदस्य आहेत आणि राजकीय वातावरण पाहता पक्षाला लोकसभेत कमकुवत व्हायचे नाही, असे सांगण्यात येत आहे. अशा स्थितीत अखिलेश यादव आणि आझम खान विधानसभा सदस्यत्वाचा राजीनामा देऊ शकतात.
यूपीमध्ये विधानसभेच्या 403 जागांपैकी भाजपने 255 जागा जिंकल्या आहेत. त्याचबरोबर समाजवादी पक्षाच्या खात्यात 111 जागा आल्या आहेत. याशिवाय अपना दल (सोनेलाल) 12 जागा जिंकल्या आहेत, तर काँग्रेसला 2 आणि बसपाला फक्त 1 जागा मिळाली आहे. सुहेलदेव भारतीय समाज पक्ष आणि निर्बल भारतीय शोषित हमारा आम दल यांना 6-6 जागा मिळाल्या आहेत. त्याचबरोबर राष्ट्रीय लोकदलाच्या खात्यात 8 आणि जनसत्ता दल डेमोक्रॅटिकने 2 जागा जिंकल्या आहेत.
निवडणुकीच्या निकालानंतर अखिलेश यादव म्हणाले होते की, आमच्या जागा अडीच पट आणि मतदानाची टक्केवारी दीड पट वाढल्याबद्दल उत्तर प्रदेशातील जनतेचे आभार. भाजपची ही घसरण कायम राहणार हे निवडणूक निकालावरून स्पष्ट झाले आहे.
अखिलेश यादव म्हणाले की
भाजपने पसरवलेला निम्म्याहून अधिक संभ्रम आणि फसवणूक दूर झाली आहे, उर्वरित काही दिवसांत दूर होतील. समाजवादी पक्ष लोकांच्या समस्या आणि विकासाचे मुद्दे सभागृहाच्या आत आणि बाहेर जोरदारपणे मांडेल. जनहिताच्या लढ्याचा नक्कीच विजय होईल. समाजवादी पक्ष लोकशाहीसाठी कटिबद्ध आहे.
