मुंबई,दि.4: उत्तराखंडनंतर आता गुजरातमध्येही समान नागरी संहिता (UCC) ची तयारी सुरू झाली आहे. गुजरातचे मुख्यमंत्री भूपेंद्र पटेल म्हणाले की, समान नागरी संहिता तयार करण्यासाठी आणि लागू करण्यासाठी सर्वोच्च न्यायालयाच्या निवृत्त न्यायाधीश रंजना देसाई यांच्या अध्यक्षतेखाली पाच सदस्यांची समिती स्थापन करण्यात आली आहे. ही समिती 45 दिवसांत राज्य सरकारला आपला अहवाल सादर करेल, ज्याच्या आधारे सरकार निर्णय घेईल.
गुजरातचे गृहमंत्री हर्ष संघवी म्हणाले, ‘गुजरातचे मुख्यमंत्री भूपेंद्रभाई पटेल यांनी यूसीसी समिती स्थापन केली आहे. त्याचे नेतृत्व सर्वोच्च न्यायालयाच्या माजी न्यायाधीश न्यायमूर्ती (निवृत्त) रंजना देसाई करतील. निवृत्त वरिष्ठ आयएएस अधिकारी सीएल मीना, वकील आरसी कोडेकर, माजी कुलगुरू दक्षेश ठाकर आणि सामाजिक कार्यकर्त्या गीता श्रॉफ हे देखील समितीचा भाग आहेत. मुख्यमंत्र्यांनी या समितीला पुढील 45 दिवसांत यावर सविस्तर संशोधन करून सरकारला अहवाल सादर करण्याचे निर्देश दिले आहेत.
