मुंबई,दि.13: ब्राझिलियन वंडरिंग स्पायडर हा जगातील सर्वात विषारी कोळी आहे, ज्याच्या चाव्यामुळे खूप वेदना होतात. श्वसनाच्या अनेक समस्या आहेत. यामुळे मृत्यूही होऊ शकतो, त्यामुळे लोकांनी ते पाहताच त्यापासून दूर राहावे. त्याच्या चाव्यामुळे पीडित व्यक्तीच्या शरीरात न्यूरोटॉक्सिक विष पसरतं, जे मानवांसाठी, विशेषतः मुलांसाठी घातक ठरू शकतं. मात्र, वेळेत पीडिताला अँटीवेनॉम दिल्यास त्याचा मृत्यू होण्याची शक्यता कमी होते.
ब्राझिलियन भटका स्पायडर, ज्याला सशस्त्र कोळी किंवा बनाना स्पायडर म्हणूनही ओळखलं जातं. तो फोन्युट्रिया या वंशातील आहे, ज्याचा अर्थ ग्रीक भाषेत ‘खूनी’ असा होतो. गिनीज वर्ल्ड रेकॉर्ड्सने यापूर्वी ब्राझिलियन वंडरिंग स्पायडरला जगातील सर्वात विषारी स्पायडर म्हणून नाव दिलं आहे. मात्र, गिनीजच्या म्हणण्यानुसार, हा विक्रम सध्या सिडनीच्या फनल-वेब स्पायडरच्या नावावर आहे.
ब्राझिलियन वॉन्डरिंग स्पायडरच्या नऊ प्रजाती आहेत, त्या सर्व निशाचर आहेत आणि ब्राझीलमध्ये आढळू शकतात. अमेरिकन एंटोमोलॉजिस्ट जर्नलमधील 2008 च्या लेखानुसार, काही प्रजाती मध्य आणि दक्षिण अमेरिकेत, कोस्टा रिका ते अर्जेंटिना पर्यंत देखील आढळू शकतात.
जर्मनीतील कार्लस्रुहे येथील नॅचरल हिस्ट्री म्युझियमच्या मते, ब्राझिलियन वॉन्डरिंग स्पायडर मोठे असतात, त्यांची शरीराची लांबी 2 इंच (5 सेमी) पर्यंत असते आणि पायांची लांबी 7 इंच (18 सेमी) पर्यंत असते. हे कोळी वेगवेगळ्या रंगात आढळतात. हे कोळी जाळे बनवत नाहीत, तर रात्रीच्या वेळी जंगलात फिरतात आणि हल्ला करून त्यांची शिकार करतात. हे कोळी कीटक, इतर कोळी आणि कधीकधी लहान उभयचर प्राणी, सरपटणारे प्राणी आणि उंदीर खातात.
हा कोळी माणसाला चावल्यास सुरुवातीच्या लक्षणांमध्ये तीव्र जळजळ वेदना, घाम आणि चाव्याच्या जागी गूजबंप्स यांचा समावेश आहे. पीडित व्यक्तीवर त्वरित उपचार आवश्यक आहेत. असं न झाल्यास पीडिताचा मृत्यूही होऊ शकतो.
