सोलापूर,दि.२३: विजापूर रस्त्यावरील संभाजी तलावाजवळील केटरिंग कॉलेज येथे सुरू असलेल्या क्वारंटाइन सेंटरमध्ये असलेला कैदी पळून (The prisoner in the quarantine center has run away) गेला आहे. याबाबत पोलीस शिपाई अविराज सुरेश राठोड यांनी दिलेल्या फिर्यादीवरून उपचारास दाखल विजय कुंडलिक गायकवाड ( वय २९, रा. मंगरूळ नंबर १, ता. माजलगाव ) असे पलायन केलेल्या आरोपीचे नाव आहे.
हेही वाचा Urfi Javed On Puspha: पुष्पाच्या गाण्यावर उर्फी जावेदचा किलर परफॉर्मन्स, साडीत सौंदर्य खुलले
मोहोळ पोलीस ठाण्यात दाखल असलेल्या एका फसवणुकीच्या गुन्ह्यामध्ये पोलिसांनी त्याला अटक केली होती. मोहोळ उपकारागृहात असताना तो कोरोना पॉझिटिव्ह झाल्याने त्याला उपचारासाठी केटरिंग कॉलेज येथील क्वारंटाइन सेंटरमध्ये ठेवण्यात आले होते.
शनिवारी (दि.२२) सकाळी साडेआठ ते पावणेनऊच्या सुमारास नैसर्गिक विधीसाठी तो बाहेर आला असता शौचालयाच्या खिडकीमधून पलायन केले आहे. अधिक तपास सहायक फौजदार टंकसाळी हे करीत आहेत.
