प्रयागराज,दि.26: मंगळवारी प्रयागराजमध्ये (Prayagraj) विद्यार्थ्यांनी नोकऱ्या न मिळाल्याविरोधात जोरदार निदर्शने केली. तासनतास ट्रॅकवर आंदोलन करण्यात आले आणि बराच गोंधळ उडाला. त्यानंतर पोलिसांनीही वसतिगृहात घुसून विद्यार्थ्यांना मारहाण केली, लाठीचार्ज करण्यात आला. आता याप्रकरणी 6 पोलिसांना निलंबित करण्यात आले आहे, तर तोडफोडीमुळे 1000 जणांवर एफआयआरही दाखल करण्यात आला आहे.
सध्या, पोलिसांनी अराजकता पसरवणाऱ्या नाव माहीत असणारे तीन जण आणि एक हजार अनोळखी लोकांविरुद्ध गुन्हा दाखल केला आहे. अराजकता पसरवण्याच्या प्रकरणात सोशल मीडियावर चिथावणी देणारे मुकेश यादव, प्रदीप यादव आणि राकेश सचान यांची नावे समोर आली आहेत. पोलीस अद्याप राकेश सचनचा शोध घेत आहेत. तसे, या संपूर्ण प्रकरणात पोलीस अराजक पसरवणाऱ्यांवरच कारवाई केल्याचे सांगत आपला बचाव करत आहेत. मात्र विनाकारण मारहाण करण्यात आल्याचे विद्यार्थ्यांचे म्हणणे आहे.
अनेक विद्यार्थी लॉज सोडून गेल्याचे सांगितले आहे. पोलिसांच्या कारवाईला घाबरून सर्वजण तेथून पळ काढत आहेत. काही विद्यार्थ्यांचे म्हणणे आहे की ते राज्याचे प्रशासन आणि योगी सरकारवर नाराज आहेत. विरोधकही याला मोठा मुद्दा बनवत आहेत. समाजवादी पक्षापासून काँग्रेसच्या प्रियंका गांधींपर्यंत सर्वांनीच पोलिसांच्या कारवाईचे व्हिडिओ सोशल मीडियावर शेअर केले आहेत. सरकारवर विद्यार्थ्यांवर अत्याचार केल्याचा आरोप होत आहे.
