मुंबई,दि.५: mobile network down: Jio चे नेटवर्क डाऊन झाल्याची माहिती समोर येत आहे. भारतातील आघाडीची मोबाईल कंपनी जिओचे नेटवर्क (mobile network down) मुंबई, नवी मुंबई व ठाणे शहरात ठप्प झाले आहे. मुंबई, ठाणे आणि नवी मुंबई परिसरातील जिओची मोबाईल आणि इंटरनेट सेवा पूर्णपणे ठप्प (mobile network down) झाली आहे. दुपारी साधारण सव्वाबाराच्या सुमारास जिओचे नेटवर्क डाऊन व्हायला सुरुवात झाली. त्यानंतर ट्विटरसह सोशल मीडियावर जिओचे नेटवर्क डाऊन झाल्याचे मेसेजेस पडत आहेत. हा बिघाड नेमका कशामुळे झाला आहे, याची माहिती अद्याप समजू शकलेली नाही. तसेच Reliance jio कडूनही यासंदर्भात कोणतीही माहिती देण्यात आलेली नाही.
मुंबईत सेवा ठप्प
शहरातील उड्डाणपुलांवरील मोबाइल नेटवर्क टॉवरविषयीच्या करारास मुदतवाढ देण्यास महाराष्ट्र राज्य रस्ते विकास महामंडळाने (एमएसआरडीसी) नकार दिला आहे. करार संपल्याने पुलावरील टॉवर हटवून संबंधित साहित्य जप्त करण्याची कारवाई एमएसआरडीसीकडून सुरू आहे. या कारवाईमुळे कॉल ड्रॉप, कॉल न लागणे, आवाज अस्पष्ट येणे, मोबाइल नेटवर्क नसणे, इंटरनेट वेग कमी होणे असा त्रास मुंबईकरांना सहन करावा लागत आहे.
शहरातील एमएसआरडीसीच्या अखत्यारीत असलेल्या उड्डाणपुलांवर मोबाइल कंपन्यांचे नेटवर्क टॉवर आहेत. या टॉवरसाठी एमएसआरडीसी आणि मोबाइल नेटवर्क कंपनीमध्ये करार होतात. काही करार हे ‘थर्ड पार्टी’कडून करण्यात येतात. यानुसार सुयोग टेलीमॅटिक्सने पैसे थकवल्याने ही कारवाई सुरू असल्याचा दावा एमएसआरडीसीने केला आहे. थर्ड पार्टीकडून पैसे मिळत नसल्याचे सांगत यापूर्वी २५० टॉवर बंद करण्याची कारवाई एमएसआरडीसीने केली होती. त्यावेळी चर्चेअंती मार्ग काढण्यात आला होता.
सध्या १०० टॉवर बंद करण्यात आले असून, याचा थेट परिणाम मोबाइलच्या नेटवर्कवर होत आहे. यापुढे आणखी टॉवर बंद करू नयेत व जे टॉवर बंद केले आहेत, ते सुरू करावे, अशी विनंती सेल्युलर ऑपरेटर्स असोसिएशन ऑफ इंडियाचे (सीओएआय) महासंचालक लेफ्टनंट जनरल डॉ. एस. पी. कोचर यांनी महामंडळाचे उपाध्यक्ष आणि व्यवस्थापकीय संचालक राधेश्याम मोपलवार यांना केली आहे.
