America Cyclone Update : अमेरिकेत आलेल्या भीषण चक्रीवादळात (America Cyclone) इमारतींच्या पडझडीमुळे शनिवारपर्यंत सुमारे 100 जणांना जीव गमवावा लागला आहे. (America Cyclone Update) हे अमेरिकेच्या इतिहासातील सर्वात मोठे चक्रीवादळ (Cyclone) आहे. अवकाळी वादळाने मेफिल्डच्या छोट्या शहरांना उद्ध्वस्त केले. यात एक मेणबत्ती कारखाना आणि एक नर्सिंग होम उद्ध्वस्त झाला. याशिवाय एक ट्रेन रुळावरून घसरली आणि ॲमेझॉनच्या गोदामाचे मोठे नुकसान झाले.
दरम्यान, या वादळाचा एक व्हिडिओही (Cyclone Video) समोर आला आहे. हे वादळ आणखी किती भयावह आहे, हे व्हिडिओत पाहायला मिळत आहे. अचानक वादळाचे भयंकर चित्र व्हिडिओमध्ये दिसते, तर कधी अचानक अंधार पडतो.
याशिवाय, दुसर्‍या व्हिडिओमध्ये नॉर्दर्न लाइट्ससारखे काही सुंदर पण भितीदायक चित्रे आहेत. केंटकीपासून सुरू झालेल्या या वादळाने आतापर्यंत देशातील एकूण 5 राज्यांमध्ये विध्वंस केला आहे. या वादळामुळे अनेक वाहनांसह जीवित व वित्तहानी झाली आहे.
राष्ट्राध्यक्ष जो बायडेन (Joe Biden) यांनी ही अमेरिकेच्या इतिहासातील सर्वात मोठी शोकांतिका असल्याचे म्हटले आहे. या वादळात नेमके किती जणांचे प्राण गेले हे सांगता येणार नाही, असे ते म्हणाले. शनिवारी केंटकी परिसरात अचानक अंधार झाल्याचे सांगण्यात येत आहे. या भीषण चक्रीवादळाने अनेकांचा बळी घेतला होता. वादळामुळे इमारतींच्या ढिगाऱ्याखाली दबलेल्‍या लोकांना शोधण्‍यासाठी बचाव पथक अजूनही शर्थीचे प्रयत्न करत आहेत.
