रायपूर,दि.१६: छत्तीसगडची (Chhattisgarh) राजधानी रायपूर (Raipur) रेल्वे स्टेशनवर उभ्या असलेल्या एका रेल्वेत अचानक स्फोट झाल्यानं अचानक खळबळ उडाली. या स्फोटात सीआरपीएफचे सहा जवान गंभीर जखमी झाले आहेत. यातील एका जवानाची प्रकृती चिंताजनक असल्याचं समजतंय.
शिफ्टिंग दरम्यान काडतुसाच्या पेटीत स्फोट झाल्याची प्राथमिक माहिती मिळतेय. ही घटना शनिवारी सकाळी ६.३० वाजल्या दरम्यान घडली.
स्फोटानंतर स्टेशनवर एकच खळबळ उडाली. जखमींना उपचारासाटी पाठवण्यात आल्यानंतर रेल्वे सकाळी ७.१५ मिनिटांनी पुढे रवाना करण्यात आली. या स्फोटात कोणत्याही सामान्य नागरिकाला नुकसान झालेलं नाही.
Chhattisgarh | Four CRPF personnel injured in an explosion caused after a box containing igniter set fell on the floor in a CRPF Special Train at Raipur railway station, says Raipur Police
— ANI (@ANI) October 16, 2021
स्फोटानंतर स्टेशनवर एकच खळबळ उडाली. जखमींना उपचारासाटी पाठवण्यात आल्यानंतर रेल्वे सकाळी ७.१५ मिनिटांनी पुढे रवाना करण्यात आली. या स्फोटात कोणत्याही सामान्य नागरिकाला नुकसान झालेलं नाही.
मिळालेल्या माहितीनुसार, सीआरपीएफच्या २११ व्या बटालियनचे जवान विशेष रेल्वेनं जम्मूला जात होते. रेल्वे प्लॅटफॉर्म क्रमांक २ वर उभी होती. त्याच दरम्यान हा स्फोट झाला. सीआरपीएफनं दिलेल्या माहितीनुसार, डेटोनेटर बॉक्स फुटल्यानं हा अपघात झाला.
जखमी झालेल्या जवानांपैंकी हवालदार विकास चौहान यांची प्रकृती नाजूक आहे. त्यांना उपचारासाठी एका खासगी रुग्णालयात दाखल करण्यात आलंय. जखमी जवानांत चवन विकास लक्ष्मण, रमेश लाल, रविंद्र कर, सुशील, दिनेश कुमार पॅकरा यांचा समावेश आहे. सीआरपीएफचे उच्च अधिकारी जवानांच्या प्रकृतीची विचारपूस करण्यासाठी रुग्णालयात दाखल झाले आहेत.
