सोलापूर,दि.२: Congress EVM Survey: काँग्रेस सरकारने केलेल्या सर्वेक्षणात लोकसभा विरोधी पक्षनेता नेते राहुल गांधी यांचा दावा खोटा ठरला आहे. ईव्हीएमवरून गोंधळ घालणारे काँग्रेस नेते राहुल गांधी खूप अडचणीत सापडलेले दिसत आहेत. त्यांच्याच काँग्रेस सरकारने त्यांना आरसा दाखवला आहे. ईव्हीएमद्वारे मतांची चोरी झाल्याच्या राहुल गांधींच्या दाव्यांची कर्नाटकातील त्यांच्याच सरकारने पडताळणी केली आहे.
खरं तर, कर्नाटकच्या सिद्धरामय्या सरकारने ईव्हीएमवर एक सर्वेक्षण प्रकाशित केले. या सर्वेक्षणातून असे दिसून आले की बहुतेक नागरिकांचा असा विश्वास आहे की भारतातील निवडणुका मुक्त आणि निष्पक्ष होतात, तर लोकांचा ईव्हीएम किंवा इलेक्ट्रॉनिक मतदान यंत्रांवर (ईव्हीएम) विश्वास वाढला आहे. सर्वेक्षणात सुमारे ८३ टक्के लोकांनी ईव्हीएमवर विश्वास व्यक्त केला.
डेक्कन हेराल्डमधील एका वृत्तानुसार, हे सर्वेक्षण मुख्य निवडणूक अधिकारी व्ही. अंबुकुमार यांनी केले होते. यामध्ये बेंगळुरू, बेळगावी, कलबुर्गी आणि म्हैसूर या प्रशासकीय विभागांमधील १०२ विधानसभा मतदारसंघांमधील ५,१०० लोकांचा समावेश होता. हे सर्वेक्षण नियोजन, कार्यक्रम देखरेख आणि सांख्यिकी विभागाच्या अंतर्गत आहे.कर्नाटक देखरेख आणि मूल्यांकन प्राधिकरणाने प्रकाशित केलेल्या अहवालात असे दिसून आले आहे की ८४.५५% लोकांचा असा विश्वास होता की भारतात निवडणुका मुक्त आणि निष्पक्ष पद्धतीने घेतल्या जातात.
भाजपाची काँग्रेसवर टीका
सर्वेक्षणाचे निकाल जाहीर होताच, भाजपने याला काँग्रेससाठी लाजिरवाणे म्हटले. कर्नाटक विधानसभेतील विरोधी पक्षनेते आर. अशोक यांनी सोशल मीडिया प्लॅटफॉर्म ‘एक्स’वर लिहिले की, “वर्षानुवर्षे राहुल गांधी देशभरात एकच गोष्ट पसरवत आहेत. भारताची लोकशाही धोक्यात आहे आणि ईव्हीएम अविश्वसनीय आहेत. पण कर्नाटकातील काँग्रेस सरकारने केलेल्या सर्वेक्षणातून वेगळीच गोष्ट समोर येते. ही काँग्रेसच्या तोंडावर चापट आहे, असा निशाणा त्यांनी लगावला.
