नवी दिल्ली,दि.17: जहांगीरपुरीतील हिंसाचारानंतर दिल्ली पोलीस तपासात गुंतले आहेत. हिंसाचारप्रकरणी आतापर्यंत 14 जणांना अटक करण्यात आली आहे. दुसरीकडे, भाजप खासदार हंसराज हंस यांनी हिंसाचाराच्या घटनेला आंतरराष्ट्रीय षडयंत्र असल्याचे म्हटले आहे. भारताची बदनामी करण्यासाठी हे केले जात असल्याचे ते म्हणाले. आतून काही लोक आहेत, जे बाहेरच्या शक्तींना मदत करत आहेत. हे पूर्णत: नियोजनानुसार करण्यात आले आहे.
एवढेच नाही तर भाजप खासदार हंसराज यांनी या प्रकरणाची एनआयएकडून चौकशी करण्याची मागणी केली आहे. जहांगीरपुरी येथे हनुमान जयंतीनिमित्त झालेल्या हिंसाचारासाठी मी कोणत्याही धर्माला दोष देऊ शकत नाही, असे ते म्हणाले. हे आंतरराष्ट्रीय षडयंत्र आहे. या अंतर्गत सर्व काही केले जात आहे.
खासदार म्हणाले की पोलिसांनी घटनास्थळी परिस्थिती नियंत्रणात आणली आहे, गृहमंत्री अमित शहा यांच्यासह या घटनेवर बारकाईने लक्ष ठेवले आहे. ते दिल्ली पोलिसांच्या संपर्कात आहे. तेथे मोठ्या प्रमाणात पोलीस बंदोबस्त तैनात करण्यात आला आहे.
पोलिसांनी शांतता कमिटीसोबत बैठक घेतली
रविवारी पोलिसांनी शांतता कमिटीसोबत बैठक घेतली. बैठकीत समितीच्या सदस्यांना आपापल्या भागातील लोकांना शांतता आणि सलोखा राखण्याची विनंती करण्यास सांगण्यात आले. कोणत्याही अफवा किंवा चुकीच्या माहितीवर विसंबून राहू नका. त्यांच्याकडे पूर्णपणे दुर्लक्ष करा. तसेच कोणत्याही उपद्रवी व समाजकंटकांच्या कारवायाबाबत सतर्क रहा. यासोबतच अशी काही संशयास्पद घटना दिसल्यास तत्काळ पोलिसांना कळवावे.
