मुंबई,दि.११ सध्या देशभरात ‘डिजिटल अरेस्ट’ आणि सायबर फ्रॉडचे प्रमाण कमालीचे वाढले आहे. या पार्श्वभूमीवर महाराष्ट्राचे मुख्यमंत्री देवेंद्र फडणवीस यांनी पावसाळी अधिवेशनाचा शेवटचा दिवस गाजवत सभागृहात अत्यंत खळबळजनक माहिती दिली. अँड्रॉइड युजर्सना लक्ष्य करून केल्या जाणाऱ्या एका मोठ्या अदृश्य धोक्याविषयी त्यांनी जनतेला अत्यंत महत्त्वाचा इशारा दिला आहे.
📱 काय आहे ‘ते’ रहस्य? मोबाईलमध्ये ‘ही’ फाईल कधीच डाऊनलोड करू नका!
मुख्यमंत्र्यांनी दिलेल्या माहितीनुसार, सायबर गुन्हेगार नागरिकांना जाळ्यात ओढण्यासाठी मोबाईलवर .apk (APK) फॉरमॅट असलेल्या फाईल्स पाठवत आहेत.
धोका काय? जर तुम्ही नकळत किंवा उत्सुकतेपोटी ही एपीके फाईल डाऊनलोड केली, तर तुमच्या मोबाईलचा संपूर्ण ताबा (कंट्रोल) थेट हॅकर्सच्या हातात जातो. तुमची बँक खाती आणि वैयक्तिक माहिती एका झटक्यात चोरीला जाऊ शकते.
मुख्यमंत्र्यांचे आवाहन: कोणत्याही अनोळखी नंबरवरून आलेल्या फाईल्स किंवा लिंक्स डाऊनलोड करू नका. कोणतीही कृती करण्यापूर्वी त्या गोष्टीची शहानिशा करा.
🚨 देशातील सर्वात मोठ्या ‘डिजिटल अरेस्ट’ घोटाळ्याचा पर्दाफाश
महाराष्ट्र सायबर पोलिसांनी तत्परता दाखवत तब्बल ५८ कोटी रुपयांचा देशातील सर्वात मोठा डिजिटल अरेस्टचा घोटाळा उघडकीस आणला आहे, ज्याचा थेट संबंध या फाईल्सशी आहे.
पाच राज्यांमध्ये धडक कारवाई: या कारवाईत महाराष्ट्र, गुजरात, राजस्थान, कर्नाटक आणि आंध्र प्रदेश या पाच राज्यांतून ३३ आरोपींना बेड्या ठोकण्यात आल्या आहेत. या संपूर्ण रॅकेटमध्ये ४५ आरोपींचा सहभाग असल्याचे समोर आले आहे.
६,००० बँक खाती गोठवली: सायबर गुन्हेगारांवर मोठा प्रहार करत पोलिसांनी या घोटाळ्याशी संबंधित सुमारे ६ हजार बँक खाती तात्काळ गोठवली (Freeze) आहेत.
