मुंबई,दि.२८: राष्ट्रवादी काँग्रेसचे नेते अजित पवार यांच्या निधनानंतर आता राजकीय वर्तुळात संशयाची लाट निर्माण झाली आहे. मनसे अध्यक्ष राज ठाकरे यांनी या घटनेवर गंभीर प्रश्न उपस्थित केले असून, अजित पवार अपघात चौकशी करण्याची मागणी आता जोर धरू लागली आहे. आमदार रोहित पवार यांनी ‘शिवतीर्थ’वर राज ठाकरेंची भेट घेऊन या प्रकरणातील पोलीस तपासातील अडथळ्यांची माहिती दिल्यानंतर राज ठाकरेंनी राज्य सरकारवर जोरदार निशाणा साधला.
‘धुक्याने की धोक्याने?’ राज ठाकरेंचा रोखठोक सवाल
अजित पवारांच्या निधनाबाबत बोलताना राज ठाकरे म्हणाले की, “हा अपघात धुक्यामुळे झाला की घातपाताच्या धोक्यामुळे, हे अजूनही स्पष्ट झालेले नाही.” रोहित पवारांनी पोलिसांकडे तक्रार करण्याचा प्रयत्न केला असता, त्यांना डावलण्यात आले. यावरून राज ठाकरेंनी अजित पवार अपघात चौकशी टाळण्यासाठी सरकार पोलिसांवर दबाव टाकत असल्याचा खळबळजनक आरोप केला आहे.
तक्रार नोंदवण्यास सरकारचा विरोध का?
राज ठाकरेंनी पत्रकार परिषदेत सांगितले की, मरीन ड्राईव्ह पोलीस स्टेशनमध्ये एफआयआर (FIR) नोंदवण्याची प्रक्रिया सुरू असताना डीसीपींनी ती थांबवण्याचे आदेश दिले. “जर काहीच लपवण्यासारखे नसेल, तर सरकार
अजित पवार अपघात चौकशी करण्यास इतके का घाबरत आहे?” असा सवाल त्यांनी उपस्थित केला. तसेच, सुनेत्रा पवार यांनीही आपल्या पतीच्या मृत्यूबाबतच्या संशयाची चौकशी व्हावी, यासाठी गांभीर्याने विचार करावा असे आवाहन त्यांनी केले.
राज्याच्या एका मोठ्या नेत्याच्या बाबतीत जर पोलीस तक्रार नोंदवून घेत नसतील, तर सामान्य माणसाचं काय होत असेल? या प्रश्नामुळे आता अजित पवार अपघात चौकशी हा विषय संपूर्ण महाराष्ट्रात चर्चेचा केंद्रबिंदू ठरला आहे.
