वाराणसी,दि.14: पंतप्रधान नरेंद्र मोदी यांनी वाराणसीतून उमेदवारी अर्ज दाखल केला. मंगळवार दिनांक 14 मे वेळ 12 वाजता गंगा माता आणि काशीच्या कोतवाल काल भैरवाचे पूजन केल्यानंतर, निळा जॅकेट परिधान केलेले पंतप्रधान नरेंद्र मोदी वाराणसीच्या जिल्हाधिकारी कार्यालयात दाखल झाले.
चार प्रस्तावक आणि उत्तर प्रदेशचे मुख्यमंत्री योगी आदित्यनाथ देखील नामांकनासाठी त्यांच्यासोबत खोलीत प्रवेश करतात. समोरच्या खुर्चीवर निवडणूक अधिकाऱ्यांची जबाबदारी सांभाळणारे वाराणसीचे जिल्हा दंडाधिकारी एस. राजलिंगम बसले आहेत. मोदींनी उभे राहून त्यांना नमस्कार केला. त्यांचे प्रतिज्ञापत्र आणि आवश्यक कागदपत्रे जमा करतात. नंतर शपथ घेतात, हे चित्र स्वतःच अद्वितीय आहे. लोकशाहीचे सर्वात सुंदर चित्र. देशातील सर्वोच्च पद भूषवणारे पंतप्रधान मोदी उभे राहून लोकशाहीच्या सैनिकाला सलाम करतात.
पंतप्रधान नरेंद्र मोदी वाराणसी लोकसभा मतदारसंघातून उमेदवारी अर्ज दाखल केला आहे. यादरम्यान 11 राज्यांचे मुख्यमंत्रीही उपस्थित होते. पंतप्रधान मोदींच्या नामांकनासाठी चार प्रस्तावक होते – पंडित गणेशवर शास्त्री, बैजनाथ पटेल, लालचंद कुशवाह आणि संजय सोनकर. पंतप्रधान मोदी उमेदवारी अर्ज भरण्यासाठी आले असता त्यांनी जिल्हा दंडाधिकारी एस. राजलिंगम यांना हात जोडून नमस्कार केला. पंतप्रधान नरेंद्र मोदी यांनी जिल्हाधिकारी कार्यालयात पोहोचून उमेदवारी अर्ज दाखल केला.
कोण आहेत एस. राजलिंगम?
एस. राजलिंगम हे वाराणसीचे जिल्हा दंडाधिकारी आहेत. एस राजलिंगम हे तामिळनाडूचे रहिवासी असून ते 2009 च्या बॅचचे आयएएस अधिकारी आहेत. त्यांनी बी.टेक. केलेले आहे. एस. राजलिंगम यांनी यापूर्वी बांदा येथे जॉइंट मॅजिस्ट्रेट, औरैयामध्ये डीएम आणि लखनऊमध्ये डेअरी डेव्हलपमेंट विभागात विशेष सचिव म्हणून काम केले आहे. सोनभद्र आणि कुशीनगरमध्ये डीएमही (जिल्हाधिकारी) राहिले आहेत.
याशिवाय राजलिंगम यांनी सुलतानपूरचे जिल्हाधिकारी, अयोध्येचे महापालिका आयुक्त, मूलभूत शिक्षण विभागाचे विशेष सचिव, नगरविकास विभागाचे विशेष सचिव म्हणूनही काम केले आहे.
